បាល់ទាត់អន្តរជាតិ
Bayern Munich ចង់ឆ្មក់យក Matthijs de Ligt ដែលក្លឹប Chelsea កំពុងចាប់អារម្មណ៍ខ្លាំង
យោងតាមរបាយការណ៍ពី Sky Germany បានឲ្យដឹងថា ក្លឹបយក្សអាឡឺម៉ង់ Bayern Munich កំពុងចង់ចុះហត្ថលេខាលើខ្សែការពារឆ្នើម Matthijs de Ligt របស់ក្លឹបសេះបង្កង់ Juventus។
De Ligt គឺជាគោលដៅមួយដ៏សំខាន់ដែលក្លឹបតោខៀវ Chelsea ព្យាយាមចង់បាននៅរដូវក្តៅនេះ ខណៈដែលគ្រូបង្វឹករបស់ពួកគេលោក Thomas Tuchel កំពុងស្វែងរកខ្សែការពារដែលមានគុណភាព ដើម្បីមកជំនួសកន្លែងរបស់ Antonio Rudiger និង Andreas Christensen។
ក្លឹបតោខៀវបានបាត់បង់ខ្សែការពារសំខាន់ៗពីរ ក្នុងមួយរដូវកាលមាន Rudiger និង Christensen ដែលសុទ្ធតែចាកចេញដោយគ្មានតម្លៃខ្លួន។
ទោះបីជាយ៉ាងណាក៏ដោយ របាយការណ៍ច្បាស់ការណ៍ជាច្រើនបានលើកឡើងថា Bayern Munich កំពុងដំណើរការចរចាយ៉ាងពេញទំហឹងជាមួយ Juventus។ លើសពីនេះទៅទៀត ខ្សែការពារសញ្ជាតិហូឡង់ Matthijs de Ligt ក៏ចាប់អារម្មណ៍លើការផ្ទេរនេះផងដែរ ក្រោយពីបានដឹងពីគម្រោងរបស់លោក Julian Nagelsmann ដែលជាគ្រួបង្វឹករបស់ Bayern Munich។
Juventus បានដាក់តម្លៃផ្ទេរសម្រាប់ De Ligt ជិត 100 លានអឺរ៉ូ សម្រាប់ខ្សែការពារកណ្ដាលវ័យ 22 ឆ្នាំរូបនេះ។ យ៉ាងណាសម្រាប់តម្លៃផ្ទេរដ៏ធំមួយនេះ ប្រហែលមិនមែនជាឧបសគ្គសម្រាប់ Bayern Munich ឡើយ ណាមួយក្លឹបយក្សអាឡឺម៉ង់មួយនេះ មិនសូវចំណាយប្រាក់ខុសនោះទេ។
ប្រភព: Dailypost
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
