Connect with us

បាល់ទាត់អន្តរជាតិ

Zlatan មិន​ទាន់​ចូល​និវត្តន៍​នៅ​រដូវក្ដៅ​នេះ​ទេ ហើយ​ត្រៀម​បន្ត​កុងត្រា​ថ្មី​ជាមួយ AC Milan

Published

on

ខ្សែ​ប្រយុទ្ធ​ដែល​បាន​ហៅ​ខ្លួន​ឯង​ថា​ជា​ព្រះ​នៃ​បាល់ទាត់ Zlatan Ibrahimovic បាន​ផុតកុងត្រា​ជា​មួយ​ក្លឹប AC Milan កាល​ពី​ពេល​ថ្មីៗ​នេះ ហើយ​គ្រប់​គ្នា​គិត​ថា ប្រហែល​ជា​គាត់​គិត​គូ​ពី​ការ​ចូល​និវត្តន៍ ខណៈ​ដែល​បច្ចុប្បន្ន​លោក​ព្រះ Zlatan Ibrahimovic មាន​វ័យ 40 ឆ្នាំ​ទៅ​ហើយ។

ប៉ុន្តែ​កាល​ពី​ម្សិល​មិញ​នេះ យោង​តាម​ការ​រាយការណ៍​របស់​លោក Fabrizio Romano បាន​ឲ្យ​ដឹង​ថា Zlatan Ibrahimovic មិន​ទាន់​ចូល​និវត្តន៍​នៅ​រដូវ​ក្ដៅ​នេះ​ទេ ហើយ​កំពុង​ត្រៀម​ចុះ​កុងត្រា​ជា​ថ្មី​ម្ដង​ទៀត​រយៈ​ពេល 1 ឆ្នាំ ជាមួយ​ក្លឹប AC Milan។

Zlatan នឹង​ចុះហត្ថលេខា​កុងត្រា​ថ្មី​រហូត​ដល់​ខែ​មិថុនា ឆ្នាំ 2023 នេះ​បើ​យោងតាម Skysport បាន​ចុះ​ផ្សាយ។ ខ្សែ​ប្រយុទ្ធ​រូប​នេះ បាន​រង​របួស​ជង្គង់ ហើយ​ការ​ព្យាបាល​ឲ្យ​ជា​សះស្បើយ​​នឹង​ចំណាយ​ពេល​រហូត​ដល់ 6 រឺ 7 ខែ ប៉ុន្តែ​គាត់​ចង់​បន្ត​អាជីព​បាល់​ទាត់​ជាមួយ AC Milan បន្ត​ទៀត។ ប្រាក់ខែ​លើ​កុងត្រា​ថ្មី​នឹង​មាន​ប្រហែល​ជា 1 ទៅ 1.5 លានអឺរ៉ូ ក្នុង​មួយ​រដូវកាល បូករួម​ជាមួយ​នឹង​ប្រាក់​រង្វាន់​ផ្សេង​ទៀត ដែល​ក្លឹប​អាច​ផ្ដល់​ឲ្យ​គាត់​បាន។

ប្រភព: Fabrizio Romano

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២