បាល់ទាត់អន្តរជាតិ

Steven Bergwijn នឹងពាក់អាវលេខ 7 នៅក្លឹបថ្មី AFC Ajax

Published

2 years ago

July 8, 2022

Lee Lee

នៅទីបំផុត Steven Bergwijn បានបញ្ចប់ការផ្ទេរបានសម្រេចពីក្លឹបមាន់ខ្នាយមាស Tottenham Hotspur ទៅ Ajax ក្នុងតម្លៃផ្ទេរ 31.25 លានអឺរ៉ូ និងមានកុងត្រារយៈពេល 5 ឆ្នាំជាមួយក្លឹបថ្មីរបស់ខ្លួនផងដែរ។

យ៉ាងណាមិញ Tottenham Hotspur មិនបានចំណេញនៅក្នុងការលក់ Steven Bergwijn ឡើយ ដោយពួកគេបានចំណាយប្រាក់ 30 លានអឺរ៉ូ កាលពីទិញកីឡាកររូបនេះពី PSV ក្នុងខែមករា ឆ្នាំ 2020។

ខ្សែប្រយុទ្ធស្លាបសញ្ជាតិហូឡង់ Steven Bergwijn បានបង្ហាញខ្លួនសរុប 83 ប្រកួត សម្រាប់ក្លឹបមាន់ខ្នាយមាស Tottenham Hotspur ដោយស៊ុតបញ្ចូលទីបាន 8 គ្រាប់ ប៉ុន្តែកីឡាកររូបនេះបានបង្ហាញខ្លួនត្រឹមតែ 4 ប្រកួតប៉ុណ្ណោះក្នុងក្របខ័ណ្ឌ Premier League កាលពីរដូវកាលមុន និងរកបានគ្រាប់បាល់ត្រឹមតែមួយគ្រាប់ប៉ុណ្ណោះ ក្រោមការដឹកនាំរបស់លោក Antonio Conte។

ដោយសារស្ថានភាពនៃការបង្ហាញខ្លួនសម្រាប់ក្រុម ក៏ដូចជាពេលបច្ចុប្បន្ននេះក្លឹប Tottenham Hotspur កំពុងមានជម្រើសខ្សែប្រយុទ្ធដ៏ច្រើននោះ Bergwijn បានសម្រេចចិត្តដ៏ត្រឹមត្រូវក្នុងការទៅចូលរួមជាមួយក្លឹបនៅទឹកដីកំណើតរបស់ខ្លួនវិញ។ ក្លឹប AFC Ajax ក៏បានបញ្ជាក់ជាផ្លូវការណ៍ផងដែរថា Steven Bergwijn នឹងពាក់អាវលេខ 7 នៅក្លឹបថ្មីរបស់ខ្លួន។