Connect with us

បាល់ទាត់អន្តរជាតិ

Juventus ប្រកាស​លេខ​អាវ​របស់​កីឡាករ​ចំណូល​ថ្មី Angel Di Maria

Published

on

កាល​ពី​ពេល​ថ្មីៗ​នេះ ខ្សែ​ប្រយុទ្ធ​ស្លាប​សញ្ជាតិ​អាហ្សង់ទីន Angel Di Maria បាន​ចូល​រួម​ជាមួយ​ក្លឹប​សេះបង្កង់ Juventus របស់​អ៊ីតាលី ក្រោយ​ចប់​កុងត្រា​ជា​មួយ​ក្លឹប​យក្ស​បារាំង Paris Saint-Germain។

កីឡាករ​វ័យ 34 ឆ្នាំ​រូប​នេះ មាន​កុងត្រា​ជា​មួយ​ក្លឹប Juventus ត្រឹម​តែ​រយៈពេល 1 ឆ្នាំ​ប៉ុណ្ណោះ។ យ៉ាង​ណា កាល​ពី​ម្សិល​មិញ​នេះ Juventus ក៏​បាន​បង្ហាញ​ពី​លេខ​អាវ​ដែល Di Maria នឹង​ត្រូវ​ប្រើប្រាស់​ចាប់​ពី​ពេល​នេះ​តទៅ​គឺ​លេខ 22 ដែល​វា​លេខ​នៅ​ទំនេរ​មិន​ទាន់​មាន​អ្នកប្រើ។

ដោយ​ឡែក​លេខ 22 នេះ​ដែរ Angel Di Maria ធ្លាប់​បាន​ប្រើប្រាស់​ម្ដង​រួច​មក​ហើយ ពេល​ដែល​គាត់​លេង​ឲ្យ​ក្លឹប​ស្ដេច​ស Real Madrid ក្នុង​អំឡុង​ឆ្នាំ 2010 ដល់ 2014។ កីឡាករ​អាហ្សង់ទីន​រូប​នេះ ត្រូវ​បាន​គេ​រំពឹង​ទុក​ថា នឹង​ក្លាយ​ជា​ចំណែក​មួយ​ដ៏​សំខាន់​សម្រាប់​ក្លឹប​សេះ​បង្កង់ Juventus នៅ​តំបន់​ប្រយុទ្ធ​ស្លាប​ស្ដាំ។

Angel Di Maria ជា​កីឡាករ​ដែល​ជាប់​ឈ្មោះ​ក្នុង​ក្រុម​ជម្រើស​ជាតិ​អាហ្សង់ទីន​មិន​ដែល​អាក់ខាន​ឡើយ គិត​ចាប់​តាំង​ពី​ឆ្នាំ 2008 មក ហើយ​គាត់​ធ្លាប់​បង្ហាញ​ខ្លួន​សរុប 122 ប្រកួត និង​រក​បាន​គ្រាប់​បាល់ 25 គ្រាប់ សម្រាប់​ប្រទេស​របស់​ខ្លួន។

ប្រភព: Wikipedia

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២