Connect with us

បាល់ទាត់អន្តរជាតិ

Erik ten Hag ត្រៀម​នាំ​យក​ខ្សែ​ប្រយុទ្ធ​សញ្ជាតិ​ហូឡង់​ពី RB Leipzig ដើម្បី​ជំនួស​កន្លែង​របស់ Cristiano Ronaldo

Published

on

របាយការណ៍​ក្ដៅៗ​កាល​ពី​ប៉ុន្មាន​ម៉ោង​មុន​នេះ បាន​រាយការណ៍​ថា ក្លឹប​បិសាចក្រហម Manchester United កំពុង​ត្រៀម​ចុះ​ហត្ថលេខា​លើ​ខ្សែ​ប្រយុទ្ធ​ម្នាក់​ដែល​បច្ចុប្បន្ន​លេង​នៅ RB Leipzig។ ចំណាប់​អារម្មណ៍​របស់​ក្លឹប​ជា​មួយ​នឹង​កីឡាករ​រូប​នេះ​ដែរ គឺ​ជា​ការ​បង្អុល​បង្ហាញ​របស់​គ្រូ​បង្វឹក​ថ្មី Erik ten Hag។

ខ្សែ​ប្រយុទ្ធ​ដែល​បិសាចក្រហម​ចាប់​អារម្មណ៍​នេះ គឺ​កីឡាករ Brian Brobbey ដែល​បច្ចុប្បន្ន​មាន​វ័យ​ទើប​តែ 20 ឆ្នាំ​ប៉ុណ្ណោះ ហើយ​ជា​អតីត​កីឡាករ​ដែល​ប្រសូត្រ​ចេញ​ពី​ថ្នាល​យុវជន​របស់​ក្លឹប AFC Ajax និង​ក្រោយ​មក​ត្រូវ​បាន​ទិញ​ដោយ​ក្លឹប RB Leipzig។

Erik ten Hag ក៏​ធ្លាប់​ជា​គ្រូ​បង្វឹក​របស់​កីឡាករ​រូប​នេះ​ដែរ កាល​ពី​ឆ្នាំ​មុន ពេល​ដែល​គាត់​ខ្ចី​ជើង​ពី RB Leipzig មក AFC Ajax វិញ។ Brian Brobbey មាន​ទម្រង់​លេង​ដ៏​លេច​ធ្លោរ​នៅ​លីគ​កំពូល​ហូឡង់ Eredivisie ដោយ​ស៊ុត​បញ្ចូលទី​បាន 7 គ្រាប់ ក្នុង​ការ​បង្ហាញ​ខ្លួន​ត្រឹម​តែ 11 ប្រកួត​ប៉ុណ្ណោះ។

ក្លឹប Ajax បាន​ដាក់​សំណើរ​ទិញ​ផ្ដាច់​កុងត្រា​ខ្សែ​ប្រយុទ្ធ​រូប​នេះ​ពី RB Leipzig ដែរ ប៉ុន្តែ​ការ​ចរចា​ថ្លៃ​ផ្ទេរ​មិន​ត្រូវ​គ្នា ដោយ RB Leipzig ចង់​បាន 25 លានអឺរ៉ូ ប៉ុន្តែ Ajax អាច​ឲ្យ​ពួក​គេ​បាន​ត្រឹមតែ 15 លានអឺរ៉ូ​ប៉ុណ្ណោះ។ ដូច្នេះ​ក្រោយ​កុងត្រា​ខ្ចីជើង​ត្រូវ​បញ្ចប់ Brian Brobbey ក៏​បាន​ត្រឡប់​ទៅ RB Leipzig វិញ។

ដោយ​ឡែក​ការ​ចាប់​អារម្មណ៍​របស់​ក្លឹប​បិសាចក្រហម Manchester United ទៅ​លើ​កីឡាករ​រូប​នេះ បាន​កើត​ឡើង​បន្ទាប់​ពី Brobbey បាន​និយាយ​បែប​លេង​សើច​កាល​ពី​ប៉ុន្មាន​ខែ​មុន​ថា គាត់​ចង់​ឲ្យ Erik ten Hag នាំ​យក​គាត់​ទៅ Manchester United។ ប៉ុន្តែ​ឥឡូវ​នេះ ស្ថានភាព​របស់​ក្លឹប​បិសាចក្រហម ពិត​ជា​ត្រូវការ​ខ្សែប្រយុទ្ធ​ថ្មី​ម្នាក់​ជា​ចាំបាច់​ពិត​មែន ស្រប​ពេល​ដែល Cristiano Ronaldo កំពុង​ត្រៀម​ចាកចេញ​ទៅ​ចូល​រួម​ជា​មួយ​ក្លឹប​តោខៀវ Chelsea។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២