Liverpool បង្ហាញ​ឈុត​ក្រៅ​ដី​ថ្មី​ប្លែក ដែល​នឹង​ត្រូវ​ប្រើប្រាស់​លើក​ដំបូង​ក្នុង​ការ​ប្រកួត​នៅ​បាងកក​យប់​នេះ

ក្លឹប​ហង្សក្រហម Liverpool ទើប​នឹង​បង្ហាញ​ពី​ឈុត​អាវ​ក្រៅ​ដី​ដ៏​ប្លែក​មួយ​របស់​ខ្លួន ដែល​បាន​ផលិត​ដោយ​ក្រុម​ហ៊ុន Nike ហើយ​ឈុត​នេះ​ដែរ នឹង​ត្រូវ​ប្រើប្រាស់​សម្រាប់​រដូវកាល​ថ្មី 2022/23 នេះ។

ក្លឹប​ហង្សក្រហម​បញ្ជាក់​ឲ្យ​ដឹង​ថា ការ​រចនា​ឈុត​ក្រៅ​ដី​នេះ គឺ​ជា​ការ​បំផុស​គំនិត​ពី​តន្ត្រី និង​ការ​រាំ​កម្សាន្ត។ ពណ៌​មូលដ្ឋាន​នៃ​ឈុត​នេះ គឺ​ពណ៌​ស និង​មាន​ពណ៌​ចម្រុះ​ជាលក្ខណៈ​សរសៃ​​ច្រើ​ន ហើយ​​ដៃ​អាវ​មាន​ពណ៌​ខ្មៅ។ ផ្នែក​ខាងក្រោយ មាន​ទម្រង់​ដូច​ខាង​មុខ​ដែរ ដែល​មាន​បង្ហាញ​ឈ្មោះ និង​លេខ​របស់​កីឡាករ​។ សម្រាប់​ឈុត​​អ្នកចាំទី គឺ​ពណ៌​ខ្មៅ​ទាំងអស់។

អាវថ្មី​នេះ​ដែរ នឹង​ត្រូវ​ពាក់​ជា​លើក​ដំបូង​នៅ​ក្នុង​ការ​ប្រកួត​ម៉ោង 8:00 យប់​នេះ ពេល​ដែល​ប៉ះ​​ជាមួយ​ក្លឹប​បិសាចក្រហម Manchester United ក្នុង​ការ​ប្រកួត​មិត្តភាព​មុន​បើក​រដូវកាល​នៅ​ទីក្រុង​បាងកក។

ប្រភព: 90 Min