បាល់ទាត់អន្តរជាតិ

Rodri បន្តកុងត្រាថ្មីជាមួយ Manchester City រហូតដល់ឆ្នាំ 2027

Published

11 months ago

July 12, 2022

Lee Lee

នៅថ្ងៃនេះ ក្លឹបម្ចាស់ពាននៅអង់គ្លេស Manchester City បានបញ្ជាក់ពីការចុះកុងត្រារយៈពេល 3 ឆ្នាំបន្ថែមទៀត លើកុងត្រាបច្ចុប្បន្នរបស់ខ្សែបម្រើ Rodri ដែលកុងត្រាថ្មីនេះ នឹងមានសុពលភាពរហូតដល់ខែមិថុនា ឆ្នាំ 2027។

យ៉ាងណាមិញ កីឡាករសញ្ជាតិអេស្ប៉ាញរូបនេះ គឺជាបេះដូងនៃតំបន់បម្រើកណ្ដាលដែលមិនអាចខ្វះបានរបស់ក្លឹបមេឃខៀវ Manchester City ក្នុងរយៈពេល 3 រដូវកាលចុងក្រោយនេះ បន្ទាប់ពីផ្ទេរពី Atletico Madrid ក្នុងតម្លៃ 62.6 លានផោន។

Rodri គឺជាខ្សែបម្រើដែលមានទម្រង់លេងចាស់ទុំបំផុត ហើយគាត់ធ្លាប់ឈ្នះពាន Premier League បានពីររដូវកាលជាប់ៗគ្នាជាមួយក្លឹប Manchester City។

តាមពិតទៅ កុងត្រារបស់គាត់នៅ Etihad Stadium នឹងត្រូវផុតកំណត់នៅឆ្នាំ 2024 ប៉ុន្តែ Manchester City បានរៀបចំការបន្តកុងត្រាថ្មី ជាមួយនឹងលក្ខខណ្ឌបន្ថែមផ្សេងៗទៀតជាមួយកីឡាករវ័យ 26 ឆ្នាំរូបនេះ ដែលវាជាផ្នែកមួយធ្វើឲ្យប្រាកដថា គាត់នឹងមិនងាយផ្ទេរទៅចូលរួមជាមួយក្លឹបផ្សេង។