បាល់ទាត់អន្តរជាតិ
Raphinha លើកឡើងថា Ronaldinho គឺជាផ្នែកមួយដែលជម្រុញចិត្តគាត់ឲ្យផ្ទេរមក Barcelona
ខ្សែប្រយុទ្ធស្លាប Raphinha ដែលកំពុងឡើងកូដខ្លាំង និងទើបតែផ្ទេរមក Barcelona ថ្មីៗនេះ បានសារភាពថា ការមើលកីឡាករ Ronaldinho លេងនៅ Barcelona ក្នុងទសវត្សរ៍ឆ្នាំ 2000 បានធ្វើឲ្យគាត់ចង់ដើរតាមគន្លងរបស់អតីតតារាឆ្នើមរូបនេះដែរ។
ដោយឡែកខ្សែប្រយុទ្ធស្លាបរូបនេះបានបញ្ចប់ការផ្ទេរទៅកាន់ទឹកដី Camp Nou កាលពីថ្ងៃសុក្រ ដោយគាត់សុខចិត្តបដិសេធការផ្ទេរទៅលេងឲ្យក្លឹបតោខៀវ Chelsea ខណៈដែល Arsenal ក៏ចាប់អារម្មណ៍លើ Raphinha ផងដែរ។
ថ្លែងក្នុងពិធីបង្ហាញមុខជាមួយក្លឹបថ្មី Barcelona កីឡាករ Raphinha បានបង្ហាញថា អ្វីដែល Ronaldinho បានផ្ដល់ឲ្យ Barcelona គឺជាផ្នែកមួយដែលមានឥទ្ធិពលដល់ចិត្តគំនិតរបស់គាត់ ក្នុងការចង់ផ្ទេរមក Barcelona ហើយបដិសេធការផ្ទេរជាមួយក្លឹបផ្សេងៗទៀត។
គួររំលឹកផងដែរថា Ronaldinho បានចូលរួមជាមួយ Barcelona ដោយផ្ទេរពី PSG នៅរដូវក្តៅឆ្នាំ 2003។ វីរបុរសសញ្ជាតិប្រេស៊ីលរូបនេះ បានឈ្នះពានរង្វាន់ La Liga ចំនួនពីរដង និងពានរង្វាន់ UEFA Champions League ជាលើកទីពីររបស់ក្លឹបជាមួយ Barcelona ខណៈពេលដែលគាត់ក៏បានឈ្នះពានរង្វាន់ Ballon d’Or នៅឆ្នាំ 2005 ផងដែរ។
ប្រភព: 90 Min
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
ខ្សែប្រយុទ្ធដ៏ឆ្នើមរបស់ Dortmund បំបែកកំណត់ត្រារបស់ Salah នៅ UCL
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
