Connect with us

បាល់ទាត់អន្តរជាតិ

ផ្លូវការណ៍៖ ក្លឹប​បិសាចក្រហម ប្រកាស​ពី​ការ​ផ្ទេរ​ខ្សែការពារ Lisandro Martinez

Published

on

កាល​ពី​ម្សិលមិញ​នេះ ក្លឹប​បិសាចក្រហម Manchester United បាន​​បញ្ជាក់​​​ពី​កិច្ច​ព្រម​ព្រៀង​នាំយក​កីឡាករ​ចំណូល​ថ្មី​របស់​ខ្លួន​ Lisandro Martinez ពី​ក្លឹប AFC Ajax។ តម្លៃ​ផ្ទេរ​ដែល Manchester United បាន​ចំណាយ​សម្រាប់​កីឡាករ​រូប​នេះ ត្រូវ​បាន​គេ​បង្ហើប​ឲ្យ​ដឹង​ថា ប្រហែល​ជា 57.37 លានអឺរ៉ូ។

កីឡាករ​វ័យ 24 ឆ្នាំ Lisandro Martinez ដែល​ក្លឹប​បិសាចក្រហម​ចំណាយ​លុយ​ផ្ទេរ​មក​រូប​នេះ គឺ​ជា​ខ្សែការពារ​ម្នាក់​ដែល​មាន​ទេពកោសល្យ និង​ជា​កីឡាករ​ឆ្នើម​ប្រចាំ​ឆ្នាំ​របស់​ក្លឹប។ លើស​ពី​នេះ​ទៅ​ទៀត Lisandro Martinez ក៏​ជា​មិត្តរួម​ក្រុម​ជម្រើស​ជាតិ​ជា​មួយ​នឹង Lionel Messi ផងដែរ ហើយ​ធ្លាប់​បាន​លើក​ពាន Copa America ជាមួយ​គ្នា​នៅ​ឆ្នាំ 2021។

កីឡាករ​អាហ្សង់ទីន​រូបនេះ គឺ​ជា​កីឡាករ​ទី 3 ដែល​លោក Erik ten Hag បាន​ទិញ​មក។ ទីមួយ Tyrell Malacia និង​ទីពីរ​គឺ Christian Eriksen។

យ៉ាង​ណា​មិញ Martinez ក៏​ត្រូវ​បាន​ផ្សារ​ភ្ជាប់​យ៉ាង​ខ្លាំង​ជាមួយ​ក្លឹប​កាំភ្លើងធំ Arsenal មុន​ពេល​ផ្ទេរ​មក​ជា​ផ្លូវការណ៍​មក​បិសាចក្រហម។ ដោយ​ឡែក​របាយការណ៍​មួយ​បាន​លើក​ឡើង​ថា ខ្សែការពារ​រូប​នេះ បាន​បដិសេធ​ភ្លាមៗ​លើ​សំណើរ​របស់ Arsenal និង​សម្រេច​ចិត្ត​ដើរតាម​អតីតគ្រូបង្វឹក​របស់​ខ្លួន​នៅ Ajax គឺ​លោក Erik ten Hag។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២