បាល់ទាត់អន្តរជាតិ
មិនទាន់បានប៉ុន្មានផង Luke Shaw សរសើរគ្រូបង្វឹកថ្មី Erik ten Hag មិនដាច់ពីមាត់
ខ្សែការពារ Luke Shaw របស់ក្លឹបបិសាចក្រហម Manchester United ជឿជាក់ថា ក្រុមរបស់ខ្លួនកំពុងបានបោះជំហានទៅមុខរួចទៅហើយ ក្នុងអំឡុងពេលដ៏ខ្លីរបស់ពួកគេក្រោមការដឹកនាំរបស់គ្រូបង្វឹកថ្មីលោក Erik ten Hag។
ដោយឡែកគ្រូបង្វឹកសញ្ជាតិហូឡង់ Erik ten Hag ត្រូវបានគេចាត់ទុកថា គឺជាមនុស្សម្នាក់ដែលមកសង្គ្រោះក្លឹបបិសាចក្រហមដែលកំពុងធ្លាក់ទម្រង់លេងយ៉ាងខ្លាំងនៅរដូវកាលមុន ជាមួយនឹងចំណាត់លេខ 6 នៃតារាង Premier League ដែលវាជាប្រវត្តិដ៏អាក្រក់បំផុតមួយរបស់ក្លឹប។
យ៉ាងណាមិញសញ្ញាណដំបូងដ៏ល្អរបស់ក្លឹបបិសាចក្រហម Manchester United គឺការឈ្នះពីរប្រកួតដំបូងរបស់ពួកគេក្រោមការដឹកនាំរបស់គ្រូបង្វឹកថ្មី ដែលវាជាការប្រកួតមុនបើករដូវកាល។ ក្លឹបបិសាចក្រហម បានយកឈ្នះ Liverpool ក្នុងលទ្ធផល 4-0 ដែលជាការប្រកួតនៅទីក្រុងបាងកក និងជ័យជំនះម្ដងទៀតទៅលើក្រុម Melbourne Victory ក្នុងលទ្ធផល 4-1 ជាការប្រកួតនៅប្រទេសអូស្ត្រាលី។
Luke Shaw បាននិយាយថា៖ “ខ្ញុំគិតថាគ្រូបង្វឹករូបនេះបានដឹងពីអ្វីដែលក្រុមត្រូវការ ហើយគាត់មានស្ទីលផ្ទាល់ខ្លួនរបស់គាត់ និងរបៀបដែលគាត់គ្រប់គ្រង ហើយកីឡាករទាំងអស់ពិតជាបានទទួលយកវាបាន។ ពួកគេពិតជារីករាយជាមួយនឹងអ្វីដែលជាការចាត់តាំងរបស់គ្រូបង្វឹក”។
ប្រភព: 90 Min
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
