បាល់ទាត់អន្តរជាតិ

ខ្សែការពារស្លាប Zinchenko យល់ព្រមផ្ទេរទៅ Arsenal

Published

2 years ago

July 19, 2022

Lee Lee

យោងតាមរបាយការណ៍ចុងក្រោយមួយពីលោក Fabrizio Romano បានឲ្យដឹងថា ខ្សែការពារ Oleksandr Zinchenko បានយល់ព្រមលើការចុះកុងត្រាផ្ទេររយៈពេល 4 ឆ្នាំជាមួយក្លឹបកាំភ្លើងធំ Arsenal ហើយនៅពេលនេះ។

ដោយឡែកក្រុមកាំភ្លើងធំ Arsenal កំពុងសម្លឹងមើលការកែលម្អនៅតំបន់បម្រើរបស់ពួកគេ ខណៈដែល Zinchenko ដំបូងឡើយក៏លេងតំណែងជាខ្សែបម្រើដែរ ប៉ុន្តែពេលគាត់ផ្ទេរទៅចូលរួមជាមួយ Manchester City ភាគច្រើនបង្ហាញខ្លួនក្នុងតួនាទីជាខ្សែការពារឆ្វេង។

ជាមួយនឹងឱកាសបង្ហាញខ្លួនកាន់តែតិចទៅៗនោះ Oleksandr Zinchenko ក៏សម្រេចចិត្តចាកចេញពីទឹកដី Etihad Stadium។ បច្ចុប្បន្ននេះភាគីទាំងពីររវាង Manchester City និង Arsenal បានព្រមព្រៀងគ្នារួចអស់ហើយ រងចាំតែការសម្រេចលើកចុងក្រោយតែប៉ុណ្ណោះ។ ការផ្ទេរនេះដែរ ត្រូវបានគេប្រាប់ឲ្យដឹងថា មានតម្លៃប្រហែលជា 30 លានផោន។

យ៉ាងណាមិញ Zinchenko នឹងបានជួបជុំមិត្តចាស់របស់គាត់ Gabriel Jesus ដែលទើបតែនឹងផ្ទេរទៅ Arsenal កាលពីពេលថ្មីៗនេះផងដែរ។ សម្រាប់ការបាត់បង់ Zinchenko ក្លឹបមេឃខៀវ Manchester City នឹងនាំយក Marc Cucurella របស់ Brighton ដើម្បីមកជំនួសតំណែងកីឡាករសញ្ជាតិអ៊ុយក្រែនរូបនេះ។