Connect with us

បាល់ទាត់អន្តរជាតិ

ក្លឹប Manchester City ផ្ដល់​អាវ​លេខ 7 របស់ Sterling ទៅ​ឲ្យ​ខ្សែការពារ Joao Cancelo

Published

on

វា​ជា​រឿង​ដ៏​គួរ​ឲ្យ​ភ្ញាក់​ផ្អើល​មួយ​នៅ​ពេល​ដែល​ក្លឹប Manchester City បាន​ប្ដូរ​លេខ​អាវ​របស់ Joao Cancelo ពី​លេខ 27 មក​លេខ 7 វិញ ដែល​វា​ជា​លេខ​របស់​អតីត​ខ្សែ​ប្រយុទ្ធ​ស្លាប Raheem Sterling។

ជា​ធម្មតា កីឡាករ​ដែល​លេង​តំណែង​ជា​ខ្សែការពារ កម្រ​នឹង​ទទួល​បាន​ឱកាស​ពាក់​លេខ 7 ណាស់ ព្រោះ​ភាគ​ច្រើន​លេខ 7 នេះ ត្រូវ​បាន​ពាក់​ដោយ​ខ្សែប្រយុទ្ធ រឺ​ជា​ខ្សែ​បម្រើ​ដ៏​ឆ្នើម​បំផុត​របស់​ក្លឹប។ យ៉ាង​ណា​មិញ​បើ​តាម​ការ​យល់​ឃើញ​របស់​អ្នក​គាំទ្រ អាវ​លេខ 7 នេះ​គួរ​តែ​ផ្ដល់​ទៅ​ឲ្យ Phil Foden រឺ​អ្នក​ដែល​សាកសម​ម្នាក់​ទៀត​គឺ Kevin De Bruyne ព្រោះ​នៅ​ជា​មួយ​ក្រុម​ជម្រើស​ជាតិ​ប៊េលហ្ស៊ិក Kevin De Bruyne ក៏​ប្រើប្រាស់​អាវ​លេខ 7 នេះ​ដែរ។

ទោះ​ជា​យ៉ាង​ណា​ក្ដី ក្លឹប​មេឃខៀវ Manchester City បាន​បញ្ជាក់​ថា Joao Cancelo សាកសម​នឹង​ពាក់​លេខ​ថ្មី​នេះ ព្រោះ​គាត់​ក៏​ធ្លាប់ពាក់​អាវ​លេខ 7 នៅ​អតីត​ក្លឹប​ចាស់ Inter Milan និង Valencia ខណៈ​ពេល​ដែល​លេង​នៅ Benfica គាត់​ពាក់​លេខ 70។

​ក្រៅពី Raheem Sterling នៅ​មាន​កីឡាករ​ជា​ច្រើន​ទៀត​របស់​ក្លឹប​ដែល​ធ្លាប់​ប្រើប្រាស់​លេខ 7 នេះ​ពី​មុន​មក មាន​ដូច​ជា៖ Georgi Kinkladze, Stephen Ireland, David White, Peter Barnes, Mike Summerbee និង Robbie Fowler ជា​ដើម។

ប្រភព: Mancity.com

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២