បាល់ទាត់អន្តរជាតិ
Victor Lindelof សរសើរសមត្ថភាពរបស់ខ្សែការពារចំណូលថ្មី Tyrell Malacia មិនដាច់ពីមាត់
កីឡាករ Victor Lindelof បានធ្វើការកោតសរសើរយ៉ាងខ្លាំង ចំពោះកីឡាករចំណូលថ្មីរបស់ក្លឹប Manchester United គឺខ្សែការពារស្លាប Tyrell Malacia បន្ទាប់ពីការបង្ហាញសមត្ថភាពដ៏គួរឲ្យចាប់អារម្មណ៍ ក្នុងអំឡុងពេលប្រកួតជាមួយក្លឹប Crystal Palace។
ខ្សែការពារឆ្វេង Tyrell Malacia ទទួលបានពិន្ទុ 7/10 នៅក្នុងការប្រកួតនោះ ខណៈដែលក្រុមក៏ទទួលបានជ័យជំនះ 3 ទល់នឹង 1 ជាមួយ Crystal Palace ផងដែរ។
ដោយឡែក បីប្រកួត ដែលជាការប្រកួតមិត្តភាពមុនបើករដូវកាលជាមួយ Crystal Palace, Melbourne City និង Liverpool ក្រោមការដឹកនាំរបស់គ្រូបង្វឹកថ្មីលោក Erik ten Hag ក្លឹបបិសាចក្រហមឈ្នះទាំងអស់។
ថ្លែងបន្ទាប់ពីការប្រកួតដែលទទួលជ័យជម្នះ 3-1 លើក្រុម Crystal Palace ខ្សែការពារ Lindelof បាននិយាយអំពី Malacia ដោយបញ្ជាក់ថា៖ “គាត់មើលទៅពិតជាល្អខ្លាំងណាស់។ ខ្ញុំបាននិយាយជាមួយគាត់តិចតួច ហើយគាត់ហាក់ដូចជាមនុស្សម្នាក់ដ៏អស្ចារ្យ។ ខ្ញុំគិតថាគាត់សមនឹងលេងជាមួយក្រុមរបស់យើង និងអាចលេងជាមួយកីឡាករទាំងអស់នៅក្នុងក្រុម។ ខ្ញុំរងចាំការហ្វឹកហាត់ជាមួយគាត់បន្ថែមទៀត និងធ្វើការជាមួយគាត់ ប៉ុន្តែគាត់មើលទៅពិតជាល្អណាស់”។
គួររំលឹកផងដែរថា ខ្សែការពារស្លាបវ័យ 22 ឆ្នាំ Tyrell Malacia ត្រូវបានក្លឹបបិសាចក្រហមចុះហត្ថលេខានាំយកមកពីក្លឹប Feyenoord ដែលជាក្លឹបក្នុងស្រុករបស់ប្រទេសហូឡង់ ក្នុងតម្លៃផ្ទេរ 15 លានអឺរ៉ូ ជាមួយនឹងកុងត្រារយៈពេល 4 ឆ្នាំ។
ប្រភព: 90 Min
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
