Connect with us

បាល់ទាត់អន្តរជាតិ

PSG សម្រេច​ចិត្ត​ចែក​ផ្លូវគ្នា​ជា​មួយ Wijnaldum នៅ​រដូវក្ដៅ​នេះ!!!

Published

on

របាយការណ៍​ថ្មីៗ​នេះ​ពី​លោក Fabrizio Romano បាន​ឲ្យ​ដឹង​ថា ក្លឹប​យក្ស​បារាំង Paris Saint-Germain នឹង​សម្រេច​ចិត្ត​ចែក​ផ្លូវគ្នា​ជា​មួយ​ខ្សែបម្រើ Gini Wijnaldum នៅ​រដូវក្តៅ​នេះ ហើយ​បច្ចុប្បន្ន Wijnaldum កំពុង​ស្វែងរក​ក្លឹប​ថ្មី ឲ្យ​បាន​ឆាប់​តាម​ដែល​អាច​ធ្វើ​ទៅ​បាន។

ក្លឹប PSG ត្រៀម​លក់ រឺ​ដាក់​គាត់​ឲ្យ​ខ្ចី​ជើង​ទៅ​ក្លឹប​ផ្សេង នៅ​ប៉ុន្មាន​ថ្ងៃ​ខាង​មុខ​នេះ រឺ​សប្តាហ៍​ខាង​មុខ​នេះ ខណៈ​ដែល​ក្លឹប AS Roma ចាប់​អារម្មណ៍​ចង់​បាន​ខ្សែបម្រើ​សញ្ជាតិ​ហូឡង់​រូប​នេះ​ផង​ដែរ តែ​មិន​ទាន់មាន​ការ​ដេញ​ថ្លៃ​ជា​ផ្លូវការ​ណាមួយ​នៅ​ឡើយ​ទេ។

យ៉ាង​ណា​មិញ Gini Wijnaldum ទើបតែ​លេង​បាន​មួយ​រដូវកាល​ប៉ុណ្ណោះ​ជា​មួយ Paris Saint-Germain ក្រោយ​ផ្ទេរ​ដោយ​គ្មាន​តម្លៃ​ខ្លួន​ពី​ក្លឹប​ហង្សក្រហម Liverpool កាល​ពី​ឆ្នាំ 2021។

ខ្សែ​បម្រើ​កណ្ដាល​រូប​នេះ​មាន​ទម្រង់​លេង​មិន​សូវ​ល្អ​ដូច​ពេល​ដែល​គាត់​នៅ​ក្លឹប​ចាស់​ឡើយ ហើយ​ក៏​មិន​សូវ​ទទួល​បាន​ឱកាស​ក្នុង​ការ​បង្ហាញ​សមត្ថភាព​ញឹកញាប់​ដែរ។ រដូវកាល​មុន Wijnaldum បង្ហាញ​ខ្លួន​បាន 31 ប្រកួត ដោយ​រក​បាន​គ្រាប់​បាល់ 1 គ្រាប់ នៅ​លីគ​កំពូល (Ligue 1)។

ប្រភព: Fabrizio Romano

Click to comment

Leave a Reply

Your email address will not be published. Required fields are marked *

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២