បាល់ទាត់អន្តរជាតិ
អុញនោះ!!! លេងមិនទាន់បានប៉ុន្មានផង Paul Pogba របួសបាត់
យោងតាមសេចក្តីថ្លែងការណ៍ផ្លូវការរបស់ក្លឹប Juventus បានឲ្យដឹងថា ពេលនេះខ្សែបម្រើ Paul Pogba បានរងរបួសឆ្អឹងជង្គង់ខាងក្រោយ ដែលវាជារបួសរាំរ៉ៃរបស់គាត់ ហើយត្រូវបានរកឃើញម្ដងទៀត បន្ទាប់ពីការធ្វើតេស្តវេជ្ជសាស្រ្តកាលពីពេលថ្មីៗនេះ។
របួសនេះដែរ នឹងធ្វើឲ្យ Pogba ខកខាន មិនអាចធ្វើដំណើរជាមួយក្រុមទៅទីក្រុង Dallas រដ្ឋតិចសាស់ ដើម្បីធ្វើការប្រកួតមិត្តភាពមុនបើករដូវកាលជាមួយក្រុមបានទេ។
ដោយឡែកក្លឹបសេះបង្កង់ Juventus នឹងធ្វើការប្រកួតមិត្តភាពមួយជាមួយក្លឹបអ្នកមានបុណ្យ Barcelona នៅព្រឹកម៉ោង 7:30 ថ្ងៃស្អែកនេះ (ម៉ោងនៅកម្ពុជា) ដែលធ្វើឡើងនៅកីឡដ្ឋាន The Cotton Bowl សហរដ្ឋអាមេរិច។
យ៉ាងណាមិញ Paul Pogba គឺជាកីឡាករចំណូលថ្មីដែលត្រូវបានក្លឹបសេះបង្កង់ Juventus ចុះហត្ថលេខាដោយគ្មានតម្លៃខ្លួនបន្ទាប់ពីគាត់បានផុតកុងត្រាជាមួយក្លឹបបិសាចក្រហម Manchester United។
ជាមួយនឹងរបួសរបស់ Paul Pogba ដែលអាចនឹងអូសបន្លាយពេលវែងឆ្ងាយនោះ ពេលនេះក្លឹប Juventus កំពុងព្យាយាមស្វែងរកខ្សែបម្រើថ្មីម្នាក់ទៀត ហើយបើតាមសេចក្ដីរាយការណ៍របស់លោក Fabrizio Romano បានឲ្យដឹងថា ក្លឹបសេះបង្កង់ Juventus កំពុងចង់ដាក់សំណើរទៅកាន់ក្លឹបយក្សបារាំង PSG ដោយផ្ដល់ជូន Arthur Melo និង Ramsey ដើម្បីប្ដូរយកខ្សែបម្រើសញ្ជាតិអាហ្សង់ទីន Leandro Paredes។
ប្រភព: Fabrizio Romano
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
