បាល់ទាត់អន្តរជាតិ
Paul Pogba អាចនឹងអវត្តមានពីលើទីលានរយៈពេល 3 ខែ
ខ្សែបម្រើសញ្ជាតិបារាំង Paul Pogba អាចនឹងត្រូវប្រឈមមុខនឹងការសម្រាករយៈពេល 3 ខែ មិនបានបង្ហាញខ្លួននៅលើទីលានប្រកួត ខណៈដែលពេលនេះគាត់កំពុងរង់ចាំលទ្ធផលយ៉ាងអន្ទះសារពីការស្កេនលើជង្គង់ដែលរងរបួសរបស់ខ្លួន។
យ៉ាងណាមិញកីឡាករវ័យ 29 ឆ្នាំរូបនេះបានចាកចេញពីក្លឹបបិសាចក្រហម Manchester United ទៅចូលរួមជាមួយ Juventus វិញ នៅដើមរដូវក្តៅថ្មីៗនេះ បន្ទាប់ពីចំណាយពេលនៅ Old Trafford អស់រយៈពេលប្រាំមួយឆ្នាំ។
ដោយឡែក Paul Pogba ទើបតែបានបង្ហាញខ្លួនម្ដងប៉ុណ្ណោះសម្រាប់ក្លឹបថ្មី Juventus ដែលវាជាការប្រកួតមិត្តភាពមុនបើករដូវកាលទល់នឹងក្លឹប Guadalajara នៅកីឡដ្ឋាន Allegiant សហរដ្ឋអាមេរិក។ ប្រកួតមិត្តភាពបន្ទាប់ ក្លឹបសេះបង្កង់ Juventus ត្រូវជួបជាមួយនឹងក្លឹប Barcelona ហើយមិនមានវត្តមានរបស់ Pogba ឡើយ។
គ្រូបង្វឹកសញ្ជាតិអ៊ីតាលីលោក Allegri បាននិយាយថា Paul Pogba នឹងទៅជួបអ្នកឯកទេស ដើម្បីធ្វើរោគវិនិច្ឆ័យពីបញ្ហា ប៉ុន្តែគាត់នឹងខកខានការប្រកួតបើករដូវកាល Serie A ហើយអាចនឹងត្រូវសម្រាកពី 2 ទៅ 3 ខែទៀតផង។
ប្រភព: Metro
-
បាល់ទាត់អន្តរជាតិ3 days ago
UEFA កំពុងពិចារណាដាក់ពិន័យបន្ថែម លើខ្សែការពារ Ronald Araujo របស់ Barcelona
-
បាល់ទាត់អន្តរជាតិ3 days ago
Kylian Mbappe រាប់ចូលក្នុងបញ្ជីឈ្មោះកីឡាករដែលស៊ុតបញ្ចូលទីច្រើនជាងគេក្នុងប្រវត្តិសាស្ត្រ UEFA Champions League
-
បាល់ទាត់អន្តរជាតិ22 hours ago
Newcastle ត្រៀមចែកផ្លូវគ្នាជាមួយខ្សែប្រយុទ្ធស្លាប Miguel Almiron