បាល់ទាត់អន្តរជាតិ
Jurgen Klopp គ្រោងនាំយក Lautaro Martinez មកជំនួសកន្លែងរបស់ Firmino
យោងតាមសារព័ត៌មាន Daily Express បានឲ្យដឹងថា ក្លឹបយក្សនៅអង់គ្លេស Liverpool បានកំណត់គោលដៅទៅលើកីឡាករម្នាក់របស់ក្លឹប Inter Milan គឺខ្សែប្រយុទ្ធ Lautaro Martinez ដែលជាអ្នកអាចមកជំនួសតំណែង Roberto Firmino។
យ៉ាងណាមិញ កីឡាករសញ្ជាតិប្រេស៊ីល Roberto Firmino ធ្លាប់ជាគន្លឹះដ៏សំខាន់មួយនៃភាពជោគជ័យរបស់លោក Jurgen Klopp ដោយពេលនោះក្លឹបហង្សក្រហមមានខ្សែប្រយុទ្ធដ៏មុតស្រួចចំនួនបីដែលមាន Sadio Mane និង Mohamed Salah។
ដោយឡែកពេលនេះ រជ្ជកាលរបស់ Firmino, Salah និង Mane ត្រូវបញ្ចប់ហើយ ព្រោះ Sadio Mane ក៏បានផ្លាស់ទៅ Bayern Munich នៅដើមរដូវក្តៅនេះដែរ។ Roberto Firmino ក៏ត្រៀមចូលរួមជាមួយក្លឹប Juventus នៅពេលឆាប់ៗខាងមុខ។
ការបាត់បង់កីឡាករប្រេស៊ីល Roberto Firmino នឹងធ្វើឲ្យលោកតា Jurgen Klopp ខ្វះខាតខ្សែប្រយុទ្ធម្នាក់ ហើយគាត់បានកំណត់គោលដៅចង់បាន Martinez ដែលជាខ្សែប្រយុទ្ធដ៏មុតស្រួចសញ្ជាតិអាហ្សង់ទីនរបស់ Inter Milan។
Jurgen Klopp ធ្លាប់បានចាប់អារម្មណ៍ខ្លាំងជាមួយនឹងសមត្ថភាពរបស់ Lautaro Martinez តាំងពីពេលដែល Liverpool ប្រកួតជាមួយ Inter Milan ក្នុងការប្រកួត UEFA Champions League កាលពីរដូវកាលមុនមកម្ល៉េះ។
ប្រភព: Thehardtackle
-
បាល់ទាត់អន្តរជាតិ2 days ago
UEFA កំពុងពិចារណាដាក់ពិន័យបន្ថែម លើខ្សែការពារ Ronald Araujo របស់ Barcelona
-
បាល់ទាត់អន្តរជាតិ2 days ago
Kylian Mbappe រាប់ចូលក្នុងបញ្ជីឈ្មោះកីឡាករដែលស៊ុតបញ្ចូលទីច្រើនជាងគេក្នុងប្រវត្តិសាស្ត្រ UEFA Champions League
-
បាល់ទាត់អន្តរជាតិ2 days ago
PSG លុត Barcelona 4-1 ឡើងទៅកាន់វគ្គពាក់កណ្ដាលផ្ដាច់ព្រ័ត UCL (មានវីដេអូ)