បាល់ទាត់អន្តរជាតិ
Napoli កំពុងចរចាចុះកុងត្រាលើអ្នកចាំទី Kepa Arrizabalaga
យោងតាមរបាយការណ៍ចុងក្រោយមួយបានឲ្យដឹងថា ក្លឹបយក្សនៅអ៊ីតាលី Napoli កាន់តែខិតជិតក្នុងការចុះកិច្ចព្រមព្រៀងជាមួយក្លឹបតោខៀវ Chelsea ដើម្បីនាំយកអ្នកចាំទីសញ្ជាតិអេស្ប៉ាញ Kepa Arrizabalaga ដែលកំពុងស្ថិតក្នុងស្ថានភាពមិនសូវបានលេង។
ក្លឹបតោខៀវ Chelsea កំពុងជួបនឹងបញ្ហា ក្នុងការចុះហត្ថលេខាលើកីឡាករថ្មីនៅក្នុងទីផ្សារដោះដូររដូវកាលនេះ ដែលការចំណាយ និងគោលដៅរបស់ក្លឹបហាក់ដូចជាមិនច្បាស់លាស់។ កីឡាករជាច្រើនរបស់ក្លឹប រួមទាំង Kepa Arrizabalaga ដែរនោះ ដូចជាមិនសប្បាយចិត្តក្នុងការក្លាយជាកីឡាករដែលអង្គុយនៅកៅអីបម្រុងឡើយ។
ចាប់តាំងពី Chelsea ចុះហត្ថលេខាលើអ្នកចាំទី 71 លានផោន Edouard Mendy មក បានធ្វើឲ្យ Arrizabalaga អស់ឱកាសលេងស្ទើរតែទាំងស្រុង។ ពេលនេះ គាត់ពិតជាចង់ចាកចេញ ដើម្បីបង្ហាញខ្លួនឲ្យក្លឹបថ្មីដែលលេចធ្លោរជាងបច្ចុប្បន្ន និងសង្ឃឹមអាចទាក់ចិត្តគ្រូបង្វឹកក្រុមជម្រើសជាតិអេស្ប៉ាញលោក Luis Enrique ហើយកោះហៅឲ្យចូលលេងពាន World Cup 2022។
Napoli បានចាប់អារម្មណ៍លើ Arrizabalaga នៅរដូវក្តៅនេះ ហើយការពិភាក្សាកំពុងបន្តរវាងក្លឹបទាំងពីរ ដើម្បីស្វែងរកដំណោះស្រាយដ៏សមស្របមួយ។ ក្លឹបយក្សអ៊ីតាលី Napoli ពិតជាត្រូវការអ្នកចាំទីថ្មីម្នាក់ជាចាំបាច់ បន្ទាប់ពីការចាកចេញរបស់ David Ospina ដែលទៅចូលរួមជាមួយ Al-Nassr។
ប្រភព: Thehardtackle
តើដំណើរនៃអាជីពបាល់ទាត់របស់ Antony នឹងទៅជាយ៉ាងណា? គាត់នឹងចាកចេញពីបិសាចក្រហម រឺទេ?
Militao ត្រឡប់មកវិញ ខណៈកីឡាករសំខាន់ 2 រូបនឹងខកខានការប្រកួតទល់នឹង Real Sociedad នៅថ្ងៃអាទិត្យនេះ
Newcastle ត្រៀមទាក់ទងខ្សែការពារហូឡង់ Dumfries
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
-
បាល់ទាត់អន្តរជាតិ5 days agoJoshua Kimmich កំពុងមានជម្រើស 2 រវាង Barcelona និង Real Madrid
-
បាល់ទាត់អន្តរជាតិ5 days agoAymeric Laporte ប្រាប់ថា ខ្លួនចង់ចាកចេញពីទឹកដីអារ៉ាប៊ីសាអូឌីត
-
បាល់ទាត់អន្តរជាតិ5 days agoមូលហេតុដែល Sergi Roberto បដិសេធមិនផ្ទេរទៅលេងនៅ PL និងសុខចិត្តចូលរួមជាមួយក្លឹប Como
