បាល់ទាត់អន្តរជាតិ
ខ្លាច Barcelona ឆក់បាត់ ពេលនេះតោខៀវបន្តកុងត្រាថ្មីឲ្យ Azpilicueta ដល់ឆ្នាំ 2024
កាលពីម្សិលមិញនេះ ក្លឹបតោខៀវ Chelsea បានសម្រេចចិត្តបន្តកុងត្រាថ្មីដល់កាពីតែនក្រុម Cesar Azpilicueta រហូតដល់ឆ្នាំ 2024 ដែលវាជាទង្វើមួយបង្ហាញថា ខ្សែការពាររូបនេះនឹងមិនចាកចេញពី Stamford Bridge ក្នុងអំឡុងពេលទីផ្សារដោះដូរកីឡាករនារដូវកាលនេះទេ។
ខ្សែការពារស្តាំសញ្ជាតិអេស្ប៉ាញ Cesar Azpilicueta ដែលបច្ចុប្បន្នមានវ័យ 32 ឆ្នាំ ត្រូវបានផ្សារភ្ជាប់យ៉ាងខ្លាំង ក្នុងការចាកចេញទៅចូលរួមជាមួយ Barcelona នៅរដូវកាលនេះ ខណៈដែលកុងត្រាចាស់របស់គាត់ ជាមួយក្លឹបតោខៀវនឹងផុតកំណត់នៅឆ្នាំ 2023។
កីឡាករចាស់វស្សារូបនេះ បានរួមរស់នៅជាមួយក្លឹបតោខៀវ Chelsea តាំងពីឆ្នាំ 2012 មកម្ល៉េះ ដោយផ្ទេរពីក្លឹប Marseille ក្នុងតម្លៃ 8.80 លានអឺរ៉ូ។ គិតមកទល់បច្ចុប្បន្ន Cesar Azpilicueta បានបង្ហាញខ្លួនសរុបឲ្យក្លឹបតោខៀវចំនួន 476 ប្រកួត និងស៊ុតបញ្ចូលទីសរុបបាន 17 គ្រាប់។
ក្នុងការបន្តកុងត្រាថ្មីនេះដែរ បើតាមរបាយការណ៍ពីលោក Fabrizio Romano បានឲ្យដឹងថា គ្រូបង្វឹករបស់ក្លឹបតោខៀវ គឺលោក Thomas Tuchel និងប្រធានក្លឹបថ្មីលោក Todd Boehly បានព្យាយាមបញ្ចុះបញ្ចូល និងជួបជាមួយ Azpilicueta ជាច្រើនដង ទើបអាចឲ្យគាត់សម្រេចចិត្តបន្តកុងត្រាថ្មី ហើយស្នាក់នៅជាមួយក្លឹបបន្តទៀត។
ប្រភព: Fabrizio Romano
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
