បាល់ទាត់អន្តរជាតិ
Pep Guardiola សរសើរ Haaland ថា ជាអ្នកស្នងតំណែងរបស់ Thierry Henry រឺ Cristiano Ronaldo
គ្រូបង្វឹករបស់ក្លឹបមេឃខៀវ Manchester City លោក Pep Guardiola បានសរសើរចំពោះខ្សែប្រយុទ្ធចំណូលថ្មីរបស់ខ្លួន Erling Haaland ដោយនិយាយថា គេនឹងក្លាយជាអ្នកស្នងតំណែងរបស់ Thierry Henry រឺ Cristiano Ronaldo នៅពេលអនាគត។
លោក Pep Guardiola បាននិយាយបែបនេះ បន្ទាប់ពី Haaland បានបង្ហាញខ្លួនក្នុងការប្រកួតដំបូងនៅ Premier League ដោយរកបានគ្រាប់បាល់ពីរគ្រាប់ម្នាក់ឯង និងជួយឲ្យក្រុមរបស់ខ្លួន Manchester City ឈ្នះ 2-0 ទៅលើក្រុមញញួរធំ West Ham United កាលពីម្សិលមិញនេះ។
យ៉ាងណាមិញ Erling Haaland បានចូលរួមជាមួយក្លឹប Manchester City ដោយផ្ទេរពី Borussia Dortmund នៅរដូវក្តៅនេះ ជាមួយនឹងតម្លៃផ្ទេរ 51 លានផោន។
ថ្លែងបន្ទាប់ពីការប្រកួត លោក Pep Guardiola បានប្រាប់ទៅកាន់ Sky Sports ថា៖ “Haaland បានធ្វើឲ្យយើងឃើញនូវគុណសម្បត្តិរបស់គាត់។… ពិតណាស់ គាត់ជាកីឡាករមានទេពកោសល្យ ប៉ុន្តែកាលពីមួយសប្តាហ៍មុន (ប៉ះជាមួយ Liverpool) នៅពេលដែលគាត់មិនបានស៊ុតបញ្ចូលទី មានមនុស្សមួយចំនួននិយាយថាគាត់នឹងបរាជ័យ ហើយគាត់នឹងមិនអាចសម្របខ្លួនជាមួយ Premier League បានទេ។ គេគ្រប់គ្នាសើចចំអកគាត់។ ឥឡូវនេះគាត់កំពុងក្លាយទៅជា Thierry Henry រឺ Cristiano Ronaldo”។
ប្រភព: Dailypost NG
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ1 day ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan