បាល់ទាត់អន្តរជាតិ

Leandro Paredes ត្រៀមផ្ទេរទៅចូលរួមជាមួយក្លឹបសេះបង្កង់ Juventus

Published

10 months ago

August 10, 2022

Lee Lee

ខ្សែបម្រើ Leandro Paredes របស់ក្លឹប Paris Saint-Germain ហាក់ដូចជាកំពុងមានភាគរយខ្ពស់ ក្នុងការផ្ទេរទៅចូលរួមជាមួយក្លឹបសេះបង្កង់ Juventus នៅរដូវក្តៅនេះ។

ដោយសារតែរបួសនាពេលថ្មីៗរបស់ខ្សែបម្រើ Paul Pogba ដែលខកខានការប្រកួតប្រហែល 6 សប្តាហ៍ ហើយនាពេលឆាប់ៗខាងមុខនេះ Adrien Rabiot ក៏នឹងចាកចេញទៅក្លឹបផ្សេងផងដែរ។ វិបត្តិ និងការខ្វះខាតខ្សែបម្រើម្នាក់របស់ក្លឹបសេះបង្កង់ Juventus ពិតជានឹងកើតឡើង។

ខ្សែបម្រើ Leandro Paredes គឺជាបេក្ខភាពមួយដែលស្ថិតនៅក្នុងបញ្ជីគោលដៅនៃការចង់បានរបស់ Juventus (នេះបើតាមរបាយការណ៍ពីគេហទំព័រ 90min.com) ប៉ុន្តែការពិភាក្សាផ្ទេរដូចជាកំពុងជាប់គាំងក្នុងរយៈពេលប៉ុន្មានថ្ងៃថ្មីៗនេះ ដោយសារការចរចាលក្ខខណ្ឌផ្ទាល់ខ្លួនមិនត្រូវរូវគ្នា។

ទោះជាយ៉ាងណាក៏ដោយ គេជឿជាក់ថា Paredes នឹងព្រមផ្ទេរទៅកាន់ទឹកដីអ៊ីតាលី ហើយនៅទីនោះគាត់អាចជួបនឹងអតីតមិត្តរួមក្រុម និងមិត្តរួមសញ្ជាតិរបស់ខ្លួន Angel Di Maria ផងដែរ។