Connect with us

បាល់ទាត់អន្តរជាតិ

ក្លឹប​បិសាច​ក្រហម​កំពុង​ជាប់​គាំង​ចរចា​មិន​ត្រូវ​គ្នា​ជាមួយ Adrien Rabiot រឿង​ប្រាក់​ខែ

Published

on

យោងតាម​កាសែត Gazzetta dello Sport បាន​ឲ្យ​ដឹង​ថា ការ​ដេញ​ថ្លៃ​របស់​ក្លឹប​បិសាចក្រហម Manchester United ដើម្បី​ចុះ​ហត្ថលេខា​លើ​ខ្សែ​បម្រើ Adrien Rabiot របស់​ក្លឹប Juventus ត្រូវ​បាន​ជាប់​គាំង ចំពោះ​ការ​ចរចា​លើ​ប្រាក់ខែ​របស់​គាត់។

ដោយ​ឡែក​ក្លឹប​បិសាចក្រហម និង Juventus ត្រូវ​បាន​គេ​គិត​ថា កំពុង​ត្រូវរូវគ្នា​សម្រាប់​តម្លៃ​នៃ​ការ​ផ្ទេរ Adrien Rabiot ដែល​មាន​ទំហំ​ទឹកប្រាក់ 15 លានផោន ហើយ​នេះ​គឺ​ជា​តម្លៃ​ផ្ទេរ​ដ៏​សមរម្យ​មួយ ខណៈ​ដែល​ខ្សែ​បម្រើ​រូប​នេះ​នៅ​សល់​កុងត្រា​ត្រឹម​តែ 1 ឆ្នាំ​ប៉ុណ្ណោះ​ជា​មួយ Juventus។

ឥឡូវ​នេះ​ក្លឹប​បិសាចក្រហម កំពុង​ចរចា​ជា​មួយ​ម្តាយ​របស់ Adrien Rabiot គឺ​អ្នក​នាង Veronique ដែល​ដើរ​តួ​ជា​ភ្នាក់ងារ​របស់​គាត់ ដើម្បី​ដោះស្រាយ​លក្ខខណ្ឌ​ផ្ទាល់​ខ្លួន និង​ការ​ទាមទារ​របស់​ចង់​បាន​របស់​កីឡាករ។

កីឡាករ​វ័យ 27 ឆ្នាំ​រូប​នេះ ទទួល​បាន​ប្រាក់​ពលកម្ម 7 លានអឺរ៉ូ (5.93 លានផោន) ក្នុង​មួយ​ឆ្នាំ​ជាមួយ​ក្លឹប​បច្ចុប្បន្ន Juventus ដែល​ប្រហែល​ជា​ស្មើ​នឹង 113,000 ផោន​ក្នុង​មួយ​សប្តាហ៍ ប៉ុន្តែ​គាត់​ចង់​បាន​ការ​ដំឡើង​ប្រាក់ខែ​ច្រើន​ជាង​មុន​នៅ​ជាមួយ​ក្លឹប​ថ្មី Manchester United។

ជាក់ស្តែង Rabiot មាន​ការ​ស្ទាក់ស្ទើរ​ក្នុង​ការផ្លាស់​ទៅ Old Trafford ដោយសារ​តែ​ពួកគេ​មិន​មាន​កៅអីលេង UEFA Champions League។ ប៉ុន្តែ​ប្រសិន​បើ​ការ​ចរចា​ប្រាក់​ខែ​ត្រូវ​គ្នា និង​តាម​គម្រោង​ដែល​លោក Erik ten Hag បាន​អះអាង នោះ​គាត់​នឹង​យល់​ព្រម។

ប្រភព: Metro

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២