បាល់ទាត់អន្តរជាតិ
Leicester City ច្រានចោលការដេញថ្លៃពីរដងរបស់ក្លឹបតោខៀវ Chelsea ដែលចង់បាន Fofana
គ្រូបង្វឹករបស់ក្លឹប Leicester City លោក Brendan Rodgers បានបញ្ជាក់ថា ក្លឹបរបស់លោកបានច្រានចោលការដេញថ្លៃចំនួនពីរដងហើយ ពីសំណាក់ក្លឹបតោខៀវ Chelsea ដែលចង់បានខ្សែការពារកណ្តាល Wesley Fofana។
មានសេចក្ដីរាយការណ៍ជាច្រើនកន្លងមកបានបង្ហាញថា ក្លឹបតោខៀវ Chelsea បានចាប់ផ្តើមការដេញថ្លៃដំបូងក្នុងទំហំទឹកប្រាក់ប្រមាណជា 60 លានផោន ប៉ុន្តែភ្លាមៗនោះពួកគេបានបង្កើនទឹកប្រាក់នៃសំណើររហូតដល់ 70 លានផោន។
ទោះជាយ៉ាងណាក៏ដោយ Leicester នៅតែបន្តឈរក្នុងគោលជំហរតម្លៃរឹង និងកំពុងសម្លឹងទៅកាន់តម្លៃផ្ទេរលើសពី 80 លានផោន សម្រាប់ក្លឹបណាដែលចង់បានខ្សែការពារសញ្ជាតិបារាំងវ័យ 21 ឆ្នាំរបស់ខ្លួន។
ដោយឡែកក្លឹបតោខៀវ Chelsea មិនទាន់អាចហ៊ានលោតដល់តម្លៃនេះឡើយ។ ដោយឡែកប្រភពជិតស្និទ្ធមួយបានប្រាប់ថា មិនយូរទេ Chelsea អាចបន្ថែមទឹកប្រាក់នៃការដេញថ្លៃបន្ថែមទៀត ហើយនឹងព្យាយាមចរចាជាមួយ Leicester City ឲ្យបានសម្រេច ខណៈដែល Fofana ក៏ចង់ផ្ទេរទៅ Stamford Bridge នៅរដូវក្តៅនេះដែរ។
ប្រភព: 90 Min
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
