Marco Reus សារភាព​ថា គាត់​ចូល​ចិត្ត​មើល​ការ​ប្រកួត​នៅ Premier League និង La Liga ជាង​នៅ​លីគ​ផ្សេង

ខ្សែ​ប្រយុទ្ធ និង​ជា​កាពីតែន​ក្រុម​របស់​ក្លឹប Borussia Dortmund គឺ​កីឡាករ Marco Reus បាន​សារភាព​ថា គាត់​ចូលចិត្ត​ទស្សនា​ការ​ប្រកួត​ក្នុង​ក្របខ័ណ្ឌ​កំពូល​របស់​អង់គ្លេស Premier League និង​នៅ​លីគ​កំពូល​របស់​អេស្ប៉ាញ La Liga ជាង​នៅ​លីគ​ផ្សេងៗ​ទៀត។

Marco Reus ដែល​ជា​តារា​រះ​នៅ Bundesliga ស្ទើរ​ពេញ​មួយ​អាជីព​របស់​គាត់ ធ្លាប់​ជា​កីឡាករ​ម្នាក់​ក្នុង​ចំណោម​កីឡាករ​ជា​ផ្សេង​ទៀត ដែល​ត្រូវ​បាន​ក្លឹប​ធំៗ​ជា​ច្រើន​នៅ Premier League និង La Liga ចាប់​អារម្មណ៍។ ប៉ុន្តែ​គាត់​នៅ​តែ​សម្រេច​ចិត្ត​រួម​រស់ និង​ស្មោះស្ម័គ្រ​ជា​មួយ​ក្លឹប Borussia Dortmund។

នៅ​លើ OMR Podcast កីឡាករ​សញ្ជាតិ​អាឡឺម៉ង់ Marco Reus បាន​​និយាយ​ថា៖ “និយាយ​តាម​ត្រង់​ទៅ ខ្ញុំ​ចូល​ចិត្ត​មើល​បាល់​នៅ Premier League រឺ La Liga ពេល Barcelona ប្រកួត​ជា​មួយ Real Madrid។ ហើយ​ខ្ញុំ​ដឹង​បន្តិច​បន្តួច​អំពី Premier League។ វា​ជា​ការ​ប្រកួត​ដ៏​ពិសេស​មួយ​នៅ​ពេល Manchester City ប្រកួត​ជាមួយ Manchester United។ គ្រាន់​តែ​ជា​ការ​ប្រកួត​ដ៏​អស្ចារ្យ ដែល​ក្រុម​ពីរ​ជួប​ជាមួយ​គ្នា និង​មាន​កីឡាករ​ដ៏អស្ចារ្យ​បង្ហាញ​ខ្លួន​លើ​ទីលាន”។

ប្រភព: Sportskeeda