Connect with us

បាល់ទាត់អន្តរជាតិ

Luuk de Jong តែត​មួយ​គ្រាប់​ចុងម៉ោង នាទី​ទី 90+2 ជួយឲ្យ Barcelona បន្ត​ឈរ​នៅ​លេខរៀងទី 2 (មានវីដេអូ)

Published

on

ក្លឹប​អ្នក​មាន​បុណ្យ FC Barcelona បាន​បន្ត​ឈរ​នៅ​លេខរៀង​ទី 2 នៃ​តារាង LaLiga បន្ទាប់​ពីក្លឹប​ស្ដេចស​ Real Madrid ក្រោយ​ពួក​គេ​បាន​យក​ឈ្នះ​ក្រុម​បាតតារាង Lavente យ៉ាង​លំបាក​កាល​ពី​ការ​ប្រកួត​រំលង​អាធ្រាត​យប់​មិញ​នេះ ក្នុង​លទ្ធផល 3 ទល់នឹង 2។

វា​គឺ​ជា​ប្រកួត​ទី 30 របស់​ក្លឹប Barcelona ដែល​ជា​ការប្រកួត​ក្រៅដី ជាមួយ​នឹង Levante នៅកីឡដ្ឋាន Estadi Ciutat de Valencia។ ក្រុម​ម្ចាស់ផ្ទះ​បាន​ស៊ុត​គ្រាប់បាល់នាំ​មុខ​មុន នៅនាទី​ទី 52 ដោយ​កីឡាករ José Luis Morales ដែល​ជា​បាល់​ប៉េណាល់ទី។ មិន​យូរប៉ុន្មាន នៅ​នាទីទី 59 ម៉ាស៊ីន​រកគ្រាប់បាល់ Aubameyang បាន​តែតមួយ​គ្រាប់​តាម​ស្មើ។ នៅនាទីទី 63 ខ្សែបម្រើ​វ័យ 19 ឆ្នាំ Pedri បានស៊ុតមួយ​គ្រាប់​បន្ថែម​ទៀត ដើម្បី​នាំ​មុខ​ក្រុម​ម្ចាស់​ផ្ទះ 2 ទល់នឹង 1។

ទោះ​ជា​យ៉ាង​ណា នៅ​នាទីទី 83 ខ្សែការពារ Clement Lenglet បាន​បង្ករ​កំហុស​ធ្វើ​ឲ្យ​មាន​បាល់ប៉េណាល់ទី​បន្ថែម​ទៀត ហើយ​កីឡាករ Gonzalo Melero បានស៊ុតឲ្យ Levante តាម​​ស្មើ Barcelona 2-2។

អាជ្ញាកណ្ដាល​បាន​បន្ថែម​ម៉ោង 5 នាទី​ចុងក្រោយ ហើយ​នៅ​នាទីទី 90+2 ខ្សែប្រយុទ្ធ​សញ្ជាតិ​ហូឡង់ Luuk de Jong បាន​តែត​មួយ​គ្រាប់ ដែល​ជា​គ្រាប់​បាល់​ជ័យ​ជំនះ​ក្នុង​ការ​ប្រកួត ធ្វើ​ឲ្យ Barcelona ទទួល​បាន​បី​ពិន្ទុ និង​កាន់​តែ​មាន​ភាព​កក់ក្ដៅ​ក្នុង​ការ​ឈរ​នៅ​តារាង Top 4 ដើម្បី​មាន​ឱកាស​លេង UEFA Champions League រដូវកាល​ក្រោយ។

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២