Connect with us

បាល់ទាត់អន្តរជាតិ

Marc Cucurella ប្រាប់​ថា នឹង​មិន​កាត់​សក់​ចេញ​ឡើយ ទោះ​ពេល​ខ្លះ​មាន​គេ​ទាញ​ក៏​ដោយ

Published

on

ខ្សែការពារ Marc Cucurella បាន​ប្រាប់​កាល​ពី​ពេល​ថ្មីៗ​នេះ​​ថា នឹង​មិន​កាត់សក់​របស់​គាត់​ឡើយ ព្រោះ​វា​ជា​ស្តាយ​ផ្ទាល់​ខ្លួន ហើយ​បើ​ទោះ​បី​ជា​ពេល​ខ្លះ​មាន​គេ​ចាប់​ទាញ​ក៏​ដោយ។ Cucurella និយាយ​បែប​នេះ បន្ទាប់​ពី​មាន​ការ​ទាញ​ពី Cristian Romero នៅ​ក្នុង​ការ​ប្រកួត​ស្មើ 2 ទល់នឹង 2 នៅ​ក្របខណ្ឌ Premier League កាល​ពី​ថ្ងៃ​អាទិត្យ​កន្លង​ទៅ។

ដោយ​ឡែក​ខ្សែការពារ​ស្លាប​ឆ្វេង​ចំណូល​ថ្មី​របស់​ក្លឹបតោខៀវ Cucurella កំពុង​បង្ហាញ​ទម្រង់​លេង​ដ៏​លេច​ធ្លោរ និង​បាន​រួម​ចំណែក​ជា​អ្នក​បញ្ជូន​បាល់​លើ​គ្រាប់​បើក​ឆាក​របស់ Kalidou Koulibaly ក្នុង​ការ​ប្រកួត​ប៉ះ​ជា​មួយ Tottenham Hotspur នៅ Stamford Bridge ។

ក្នុង​ការ​ប្រកួត​ដ៏​តានតឹង​នោះ កីឡាករ​វ័យ 24 ឆ្នាំ Marc Cucurella ត្រូវ​បាន​ខ្សែការពារ​សញ្ជាតិ​អាហ្សង់ទីន Romero ចាប់​ទាញ​សក់​ឲ្យ​ដួល​ទៅ​នឹង​ដី ហើយ​គាត់​បាន​តវ៉ា​អាជ្ញា​កណ្ដាល​ឲ្យ​មាន​ការ​ពិន័យ​ចំពោះ​អ្នក​ទាញ​សក់​គាត់ ប៉ុន្តែ​អាជ្ញា​កណ្ដាល​មិន​បាន​ធ្វើ​តាម​សំណើរ​នោះ​ឡើយ ព្រោះ​គាត់​មិន​បាន​ឃើញ។

Cucurella ដែល​ជា​ខ្សែការពារ​តម្លៃ 60 លានផោន​របស់ Chelsea បាន​បញ្ជាក់​ថា គាត់​មិនមាន​បញ្ហា រឺ​ការ​កុំគួន​គ្នា​ជាមួយ Romero ទេ ហើយ​គាត់​ក៏​មិនមាន​គម្រោង​កាត់​សក់​ឲ្យ​ខ្លី​ដែរ។

គាត់​បាន​និយាយ​ថា៖ “សម្រាប់​ខ្ញុំ វា​មិន​មាន​បញ្ហា​អ្វី​ទេ ព្រោះ​ថា​មុន​ការ​ប្រកួត ខ្ញុំ​តែងតែ​និយាយ​ជាមួយ​គាត់ (Cristian Romero) ហើយ​ប្រហែល​ជា​វា​ជា​ការ​ប្រកួត​នៅ​លើ​ទីលាន ហើយ​ខ្ញុំ​គិត​ថា​វា​ជា​សកម្មភាពមួយ​នៅ​ក្នុង​ការ​ប្រកួត​ប៉ុណ្ណោះ…”។

ប្រភព: Marca

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២