Connect with us

បាល់ទាត់អន្តរជាតិ

ក្លឹប OGC Nice នៅ Ligue 1 ចាប់​អារម្មណ៍​ក្នុង​ការ​ចុះ​ហត្ថលេខា​លើ Miralem Pjanic

Published

on

យោង​តាម​សេចក្ដី​រាយការណ៍​ចុងក្រោយ​មួយ​បាន​ឲ្យ​ដឹង​ថា ក្លឹប​នៅ Ligue 1 របស់​ប្រទេស​បារាំង​កំពុង​​​ទាក់​ទង​មក Barcelona និង​ប្រាប់​ពី​ចំណាប់​អារម្មណ៍​របស់​ពួក​គេ សម្រាប់​ការ​​ផ្ទេរ​ខ្សែ​បម្រើ​សញ្ជាតិ​បូស្នៀ Miralem Pjanic។

យោងតាម​កាសែត Foot Mercato បាន​ឲ្យ​ដឹង​ថា ក្លឹប OGC Nice ចង់​នាំ​យក​កីឡាករ​ដែល​មាន​បទពិសោធន៍​ចាស់​ទុំ​មក​ពង្រឹង​នៅ​តំបន់​បម្រើ​របស់​ពួក​គេ​នៅ​រដូវកាល​ថ្មី​នេះ។ ដូចគ្នា​នេះ​ដែរ បច្ចុប្បន្ន Barcelona ក៏​កំពុង​បង្ហាញ​ចេតនា​ក្នុង​ការ​ចង់​លក់ Miralem Pjanic ផង​ដែរ ខណៈ​ដែល​ពួក​គេ​មិន​សូវ​ប្រើប្រាស់​គាត់​ឡើយ ហើយ​ក្លឹប​កំពុង​សំបូរកីឡាករ​វ័យ​ក្មេង​ដែល​ជា​ធនធាន​ល្អៗ​ដូច​ជា Gavi, Pedri និង Franck Kessie ជា​ដើម។

លើស​ពី​នេះ​ទៅ​ទៀត Barcelona កំពុង​ព្យាយាម​ចង់​នាំ​យក​ខ្សែ​បម្រើ​ថ្មី​ម្នាក់​ទៀត​ពី​ក្លឹប Manchester City គឺ​កីឡាករ Bernardo Silva។

ជា​ការ​ពិត​ណាស់ នេះ​អាច​ជា​ពេល​វេលា និង​ឱកាស​ដ៏​ល្អ​មួយ​សម្រាប់ Miralem Pjanic ប្រសិន​បើ​គាត់​ចង់​ទទួល​បាន​ភាព​លេចធ្លោរ​នៅ​លើ​ទីលាន​ឡើង​វិញ។ ការ​ផ្ទេរ​ទៅ​ចូល​រួម​ជា​មួយ​ក្លឹប Nice វា​មិន​មែន​ជា​រឿង​អាក្រក់​ឡើយ ដោយ​ពួក​គេ​ក៏​ជា​ក្លឹប​ដែល​មាន​ភាព​លេចធ្លោរ​គួរ​សម​ផង​ដែរ​នៅ​លីគ​កំពូល​នៃ​ប្រទេស​បារាំង។

មាន​ការ​អះអាង​មួយ​ផ្សេង​ទៀត​ក៏​បាន​លើកឡើង​ផង​ដែរ​ថា Pjanic នឹង​ចាប់អារម្មណ៍​លើ​ការ​ផ្ទេរ​នេះ ព្រោះ​គាត់​ដឹង​ថា បើ​គាត់​បន្ត​នៅ Barcelona នោះ​គាត់​នឹង​មិន​សូវ​បាន​បង្ហាញ​សមត្ថភាព​ឡើយ។ ក្លឹប OGC Nice មិន​ទាន់​បាន​ដាក់​ដេញ​ថ្លៃ​ជា​ផ្លូវការណ៍​ណា​មួយ​ឡើយ ប៉ុន្តែ​ការ​ចរចា​ប្រាក់​ខែ​ជា​មួយ Pjanic អាច​ជា​បញ្ហា​នៅ​ក្នុង​ការ​ផ្ទេរ​នេះ។

ប្រភព: Barcablaugranes

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២