បាល់ទាត់អន្តរជាតិ

Everton ត្រៀមលក់ Dele Alli ទៅឲ្យក្លឹបតួគី Besiktas

Published

2 years ago

August 20, 2022

Lee Lee

របាយការណ៍ពីលោក Fabrizio Romano នៅថ្ងៃនេះបានឲ្យដឹងថា ក្លឹប Everton កំពុងរង់ចាំការសម្រេចចិត្តរបស់ខ្សែបម្រើប្រយុទ្ធ Dele Alli ទៅលើសំណើររបស់ក្លឹប Besiktas ដែលជាក្លឹបមកពីលីគកំពូលនៃប្រទេសតួគី។

ក្លឹបស្ករគ្រាប់ Everton កំពុងបើកចំហ ដើម្បីទទួលយកទាំងការខ្ចីជើង រឺការផ្ទេរផ្ដាច់កុងត្រាសម្រាប់កីឡាករសញ្ជាតិអង់គ្លេស Dele Alli ប៉ុន្តែមិនទាន់មានតម្រុយច្បាស់ការណ៍នៅឡើយទេ ចំពោះការសម្រេចចិត្តផ្ទាល់ខ្លួនរបស់កីឡាករ។

Dele Alli គឺជាអតីតកីឡាកររបស់ក្លឹបមាន់ខ្នាយមាស Tottenham Hotspur ដែលបានផ្ទេរដោយគ្មានតម្លៃខ្លួនទៅចូលរួមជាមួយ Everton កាលពីដើមឆ្នាំនេះ។

កីឡាករវ័យ 26 ឆ្នាំ Dele Alli បានធ្លាក់ទម្រង់លេងយ៉ាងខ្លាំង ចាប់តាំងពីចូលរួមជាមួយ Everton ដោយមិនអាចស៊ុតបញ្ចូលទីបានសូម្បីតែមួយគ្រាប់ ក្នុងការបង្ហាញខ្លួនសរុប 11 ប្រកួតសម្រាប់ក្លឹប Everton។ នេះជាមូលហេតុចំបងដែលធ្វើឲ្យក្លឹបបច្ចុប្បន្នរបស់ Dele Alli ព្យាយាមលក់គាត់ចេញនៅរដូវកាលនេះ។