Connect with us

បាល់ទាត់អន្តរជាតិ

Eric Bailly នឹង​ខ្ចី​ជើង​ពេញ​មួយ​រដូវកាល​ទៅ Marseille

Published

on

ខ្សែ​ការពារ Eric Bailly របស់​ក្លឹប​បិសាចក្រហម Manchester United នឹង​ត្រូវ​ធ្វើ​ការ​ពិនិត្យ​សុខភាព​ជាមួយ​ក្លឹប​ថ្មី Marseille នៅ​ពេល​ប៉ុន្មាន​ថ្ងៃ​ខាង​មុខ​នេះ ខណៈ​ដែល​គាត់​ជិត​ផ្ទេរ​ទៅ Ligue 1 ក្នុង​លក្ខខណ្ឌ​ខ្ចី​ជើង​រយៈពេល​មួយ​រដូវកាល។

Eric Bailly បាន​បង្ហាញ​ខ្លួន​ត្រឹមតែ 70 ប្រកួត​ប៉ុណ្ណោះ​នៅ Premier League ចាប់​តាំង​ពី​ការ​ផ្ទេរ​ក្នុង​តម្លៃ 30 លានផោន​ពី Villarreal កាល​ពី​ឆ្នាំ 2016។ គាត់​ក៏​ត្រូវ​បាន​ក្លឹប Fulham ចាប់​អារម្មណ៍​ផង​ដែរ នៅ​ក្នុង​អំឡុង​​ទីផ្សារដោះដូរកីឡាករ​នា​រដូវកាល​នេះ។ ប៉ុន្តែ Marseille បាន​ផ្ដល់​លក្ខខណ្ឌ​ល្អ​ជាង សម្រាប់​គាត់។

ដូចគ្នា​នេះ​ដែរ នៅ​ចុង​សប្តាហ៍​នេះ គឺ​កិច្ច​ព្រមព្រៀង​ផ្ទេរ​រវាង​ក្លឹប និង​ក្លឹប​សម្រាប់​ខ្សែការពារ Eric Bailly អាច​នឹង​ប្រកាស​ជា​ផ្លូវការណ៍ ដែល​ការ​ផ្ទេរ​នោះ​នឹង​មាន​បូក​បញ្ចូល​ជាមួយ​ជម្រើស​ក្នុង​ការ​ទិញ​ផង​ដែរ។ នៅ​ជា​មួយ​ក្លឹប​ថ្មី Marseille គាត់​នឹង​មាន​ឱកាស​លេងពាន UEFA Champions League នៅ​រដូវ​កាលនេះ។

គួរ​ដឹង​ផង​ដែរ​ថា ចាប់​តាំង​ពី Eric Bailly បាន​ចូលរួម​ជា​មួយ​ក្លឹប​បិសាចក្រហម​មក ក្លឹប​បាន​ចុះ​ហត្ថលេខា​លើ​ខ្សែការពារ​ថ្មីៗ​ជា​បន្ត​បន្ទាប់​ដែល​មាន​ដូច​ជា Victor Lindelof (ឆ្នាំ 2017), Harry Maguire (ឆ្នាំ 2019), Raphael Varane (ឆ្នាំ 2021) និង Lisandro Martinez (ឆ្នាំ 2022)។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២