បាល់ទាត់អន្តរជាតិ
PSG ហាមឃាត់កីឡាកររបស់ខ្លួនមិនឲ្យផឹកកូកាកូឡា និងតែទឹកកក

ក្លឹបយក្សបារាំង Paris Saint-Germain បានហាមឃាត់កីឡាកររបស់ពួកគេពីការផឹកកូកាកូឡា និងតែទឹកកក ដែលវាជាការសម្រេចចិត្តពីទីប្រឹក្សាបាល់ទាត់ថ្មីរបស់ក្លឹបគឺលោក Luis Campos ហើយនេះជាការផ្លាស់ប្តូរលើកដំបូងរបស់គាត់បន្ទាប់ពីកាន់តំណែងនៅក្លឹបផងដែរ។
យ៉ាងណាមិញបើយោងតាមកាសែត The Mail បានឲ្យដឹងថា ក្លឹប PSG មានផែនការនៃរបបអាហារថ្មី ហើយជាមួយគ្នានេះដែរពួកគេមិនត្រូវបានអនុញ្ញាតឲ្យកីឡាករទទួលទានភេសជ្ជៈ រឺតែទឹកកកក្នុងអំឡុងពេលទទួលទានអាហារនោះឡើយ។
ការសម្រេចចិត្តនេះត្រូវបានធ្វើឡើង បើទោះជាក្លឹប Paris Saint-Germain នៅមានកុងត្រាឧបត្ថម្ភពីកូកាកូឡា (Coca Cola) រហូតដល់ឆ្នាំ 2024 ក៏ដោយ។ ដូច្នេះកំពូលតារាឆ្នើមទាំងបី Lionel Messi, Kylian Mbappe និង Neymar នឹងត្រូវសម្របខ្លួនជាមួយនឹងទម្លាប់ដោយមិនផឹកភេសជ្ជៈ។
គួររំលឹកផងដែរថា តារាឆ្នើម Cristiano Ronaldo ធ្លាប់បានធ្វើរឿងដ៏ភ្ញាក់ផ្អើលម្ដងហើយ ទាក់ទងនឹងការពិសារភេសជ្ជៈដូចជាកូកាកូឡានេះជាដើម។ នៅក្នុងសន្និសិទ្ធិសារព័ត៌មានមួយមុនការប្រកួត Euro 2020 ខ្សែប្រយុទ្ធ Cristiano Ronaldo បានបដិសេធមិនផឹកកូកាកូឡាដោយប្រាប់ថា ការពិសារទឹកបរិសុទ្ធមានប្រយោជន៍ចំពោះសុខភាពជាង។
ប្រភព: Thesun
-
បាល់ទាត់អន្តរជាតិ2 days ago
ប្រសិនបើមិនអាចចុះហត្ថលេខាលើ Jude Bellingham បានទេ នោះ Real Madrid នឹងផ្ទេរខ្សែបម្រើរូបនេះជំនួសវិញ
-
បាល់ទាត់អន្តរជាតិ2 days ago
Barcelona ប្រឈមនឹងការបាត់បង់ខ្សែបម្រើ Pablo Gavi នៅចុងបញ្ចប់នៃរដូវកាលនេះ
-
បាល់ទាត់អន្តរជាតិ9 hours ago
ផ្ទុះខ្លាំងទៀតហើយ!!! អ្នកគាំទ្រចាប់ផ្ដើមចែកចាយវីដេអូដែល Joao Felix ជ្រើសរើសយក Messi ជាកីឡាករដែលហ្វ្រីឃីកល្អបំផុតក្នុងពិភពបាល់ទាត់