Connect with us

បាល់ទាត់អន្តរជាតិ

Rio Ferdinand ព្រមានថា Cristiano Ronaldo មិន​មែន​សម្រាប់​លេង​ជា​កីឡាករ​បម្រុង​នោះ​ឡើយ

Published

on

វីរបុរស​របស់​ក្លឹប​បិសាចក្រហម Manchester United លោក Rio Ferdinand បាន​និយាយ​ថា តារា​ឆ្នើម Cristiano Ronaldo នឹង​មិន​បន្ត​ស្នាក់​នៅ​ក្លឹប​បិសាចក្រហម ដើម្បី​ក្លាយ​ជា​កីឡាករ​ដែល​អង្គុយ​នៅ​កៅអីបម្រុង​ដើម្បី​ប្ដូរ​ចូល​លេង​នោះ​ឡើយ។

ដោយ​ឡែក​ខ្សែប្រយុទ្ធ Cristiano Ronaldo ត្រូវ​​បាន​គ្រូបង្វឹក​​ដាក់​ឲ្យ​អង្គុយ​នៅ​កៅអីបម្រុង​ជាថ្មី​ម្ដង​ទៀត ដែល​វា​ជា​ការ​ប្រកួត​នៅ​ក្រៅ​ដី ខណៈ​ក្លឹប Manchester United បាន​​យក​ឈ្នះ​ទៅ​លើ Southampton ក្នុង​លទ្ធផល 1 ទល់នឹង 0។

មិន​ទាន់​មាន​ភាព​ច្បាស់លាស់​ឡើយ​សម្រាប់​អនាគត​របស់​កីឡាករ​វ័យ 37 ឆ្នាំ​រូបនេះ ខណៈ​ដែល​ទីផ្សារ​ដោះដូរ​កីឡាករ​កាន់​តែ​ខិត​ជិត​មក​ដល់។ ដូចគ្នា​នេះ​ដែរ អតីត​ខ្សែការពារ Rio Ferdinand បាន​និយាយ​នៅ​លើ BT Sport ថា Cristiano Ronaldo មិន​មែន​សម្រាប់​ឲ្យ​គ្រូបង្វឹកប្រើប្រាស់ ដើម្បី​លេង​ជា​កីឡាករ​បម្រុង​នោះ​ឡើយ។

Rio Ferdinand បាន​បន្ថែម​ទៀត​ថា “មនុស្ស​មួយ​ចំនួន​នឹង​និយាយ​ថា គេជា​មនុស្ស​អាត្មា​និយម ប៉ុន្តែ​នោះ​ជា​អ្វី​ដែល​ធ្វើ​ឲ្យ​កីឡាករ​ទាំង​នេះ​ឡើង​ដល់​ចំណុច​កំពូល ប្រសិន​បើ​ពួក​គេ​មិន​ដូច​នោះ​ទេ ពួក​គេ​មិន​ក្លាយ​ជា​កីឡាករ​ស្ថិតនៅ​ចំណុច​កំពូលឡើយ”។

ប្រភព: Dailypost

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២