បាល់ទាត់អន្តរជាតិ
ផ្លូវការណ៍៖ AC Milan ប្រកាសពីការចុះហត្ថលេខាលើខ្សែការពារកណ្ដាលវ័យ 21 ឆ្នាំរបស់ Schalke 04
កាលពីម្សិលមិញនេះក្លឹបម្ចាស់ជើងឯកនៅអ៊ីតាលី AC Milan បានបញ្ជាក់ពីការចុះហត្ថលេខាលើខ្សែការពារកណ្ដាលចំណូលថ្មីសញ្ជាតិអាឡឺម៉ង់ Malick Thiaw ដែលផ្ទេរពីក្លឹប Schalke 04 ក្នុងតម្លៃប្រហែល 7 លានអឺរ៉ូ។
Malick Thiaw បានដើរតួយ៉ាងសំខាន់កាលពីរដូវកាលមុនក្នុងការជួយឲ្យក្លឹប Schalke 04 ឡើងមកលេងនៅលីគកំពូលរបស់អាឡឺម៉ង់ Bundesliga វិញ។ កីឡាករវ័យ 21 ឆ្នាំរូបនេះបានបញ្ចប់ការពិនិត្យសុខភាពរបស់គាត់កាលពីថ្ងៃចន្ទ និងបានត្រៀមខ្លួនរួចជាស្រេចក្នុងការពង្រឹងបន្ថែមទៀតនូវតំបន់ការពាររបស់លោក Stefano Pioli។
ដូចគ្នានេះដែរ Malick Thiaw បានចុះកុងត្រារយៈពេល 5 ឆ្នាំជាមួយក្លឹបថ្មី ដែលមានសុពលភាពរហូតដល់ថ្ងៃទី 30 ខែមិថុនា ឆ្នាំ 2027 ហើយគាត់នឹងពាក់អាវលេខ 28។
អតីតកីឡាកររបស់ក្លឹប Leverkusen រូបនេះត្រូវបានគេមើលឃើញថា នឹងក្លាយជាអនាគតដ៏វែងឆ្ងាយរបស់ AC Milan ជាមួយនឹងសមត្ថភាពដ៏ល្អ និងកំពុងស្ថិតក្នុងវ័យដែលអាចរីកចម្រើនទៅមុខកាន់តែប្រសើរឡើង។ កីឡាកររូបនេះធ្លាប់បានបង្ហាញខ្លួនចំនួន 8 ដង និងស៊ុតបញ្ចូលទីបាន 2 គ្រាប់ជាមួយ U21 អាឡឺម៉ង់ និងបានឈ្នះពានរង្វាន់ UEFA European Under-21 Championship កាលពីឆ្នាំ 2021 ផងដែរ។
ប្រភព: 90 Min
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
