Connect with us

បាល់ទាត់អន្តរជាតិ

Arsenal បន្ត​កំណត់ត្រា​ឈ្នះ​រហូត ក្រោយ​លុត Aston Villa 2-1 (មានវីដេអូ)

Published

on

ក្លឹប​កាំភ្លើងធំ Arsenal ដែល​កំពុង​ស្ថិត​ក្នុង​រដូវកាល​ដ៏​អស្ចារ្យ​របស់​ខ្លួន កំពុង​បន្ត​ឈរ​នៅ​កំពូល​តារាង Premier League ជាមួយ​នឹង​កំណត់​ត្រា​ឈ្នះ​រហូត 5 ប្រកួត​ជាប់​គ្នា និង​មាន 15 ពិន្ទុ​ពេញ ខណៈ​ដែល​ក្រុម​ផ្សេង​ទៀត​សុទ្ធ​តែ​ធ្លាប់​ស្គាល់​រសជាតិ​ចាញ់ និង​ស្មើ។

Gabriel Jesus នៅ​តែ​ជា​ខ្សែប្រយុទ្ធ​ចំណូល​ថ្មី​ដែល​មាន​សក្កានុពល​របស់​ក្លឹប​កាំភ្លើង​ធំ Arsenal ដោយ​គេ​បាន​ស៊ុត​បញ្ចូលទី​គ្រាប់​បាល់​បើក​ឆាក នៅ​ក្នុង​ការ​ប្រកួត​នាទីទី 30។ យ៉ាង​ណា​ក្រោយ​មក​ទៀត ក្រុម​ភ្ញៀវ Aston Villa បាន​ស៊ុត​មួយ​គ្រាប់​តាម​ស្មើ​វិញ​នៅ​នាទីទី 74 ដោយ​ខ្សែបម្រើ​កណ្ដាល Douglas Luiz។

ខណៈ​ដែល​គ្រាប់​បាល់​ស្មើ​គ្នា​នោះ ក្រុម​កាំភ្លើងធំ Arsenal បាន​ព្យាយាម​គ្រប់គ្រង​បាល់ និង​ព្យាយាម​សម្រុក​ទៅ​លើ​គូ​ប្រកួត​ជា​ខ្លាំង រហូត​ដល់​អាច​រក​បាន​គ្រាប់​បាល់​ទីពីរ ជា​គ្រាប់​បាល់​ជ័យ​ជំនះ នៅ​នាទីទី 77 ដែល​ជា​ការ​ស៊ុត​បញ្ចូលទី​ពី​ខ្សែ​ប្រយុទ្ធ​សញ្ជាតិ​ប្រេស៊ីល Gabriel Martinelli។

បច្ចុប្បន្ន​នេះ Arsenal គឺ​ជា​ក្រុម​ដែល​ត្រូវ​បាន​គេ​ចាត់​ទុក​ថា កំពុង​ឡើង​ជើង​ខ្លាំង ខណៈ​ដែល​ក្រុម​លេខ​ពីរ​តាម​ពិន្ទុ​ពី​ក្រោយ​គឺ Manchester City។ ដោយ​ឡែក​ក្រុម​ដែល​ហាក់​ដូច​ជា​មាន​ទម្រង់​លេង​មិន​សូវ​ល្អ​នោះ​គឺ​ហង្សក្រហម Liverpool ដែល​ឆ្លង​កាត់ 5 ប្រកួត​ដូច​គ្នា ប៉ុន្តែ​មាន​ត្រឹម​តែ 8 ពិន្ទុ​ប៉ុណ្ណោះ ហើយ​កាល​ពី​ប្រកួត​យប់​មិញ​នេះ​ពួក​គេ​បាន​យក​ឈ្នះ Newcastle United ក្នុង​លទ្ធផល 2-1 ទាំងត្រដាបត្រដួស​ផង​ដែរ។

ទស្សនា​វីដេអូ​ហាយឡាយ​ការ​ប្រកួត​ខាង​ក្រោម៖

ប្រភព​រូបភាព: Theguardian

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២