Connect with us

បាល់ទាត់អន្តរជាតិ

Barcelona កំពុង​ព្យាយាម​លក់ Jordi Alba ទៅ​ឲ្យ Inter Milan ខណៈ​ដែល​សាមី​ខ្លួន​បដិសេធ​មិន​ព្រម​ចាកចេញ

Published

on

ព័ត៌មាន​ចុងក្រោយ​ដែល​ទាក់​ទង​នឹង Barcelona គឺ​ក្លឹប​យក្ស​កាតាឡាន់ បាន​ឈាន​ដល់​កិច្ចព្រម​ព្រៀង​ជាមួយ Inter Milan សម្រាប់​ការ​ផ្ទេរ​កីឡាករ​ចាស់​វស្សា​របស់​ខ្លួន Jordi Alba ហើយ ប៉ុន្តែ Alba ផ្ទាល់​មិន​យល់​ព្រម​ចាកចេញ​ឡើយ។

ខ្សែការពារ​ឆ្វេង Jordi Alba នៅ​មាន​កុងត្រា​ជាមួយ​ក្លឹប Barcelona រហូត​ដល់​ឆ្នាំ 2024 ហើយ​គាត់​មិន​ទទួល​ការ​សម្រេច​ចិត្ត​របស់​ក្លឹប​ដែល​ចង់​ផ្ទេរ​គាត់​ចេញ​នោះ​ទេ។ ដូចគ្នា​នេះ​ដែរ ប៉ុន្មាន​ប្រកួត​ចុងក្រោយ​នេះ Barcelona មិន​បាន​ប្រើប្រាស់ Jordi Alba ឡើយ ដោយ​ឲ្យ​គាត់​នៅ​អង្គុយ​កៅអី​បម្រុង និង​ជំនួស​មក​វិញ​ដោយ​ខ្សែការពារ​វ័យ​ក្មេង Alejandro Balde។

លើស​ពី​នេះ​ទៅទៀត ក្លឹប​អ្នក​មាន​បុណ្យ Barcelona ក៏​ត្រៀម​នឹង​បញ្ចប់​កិច្ចព្រម​ព្រៀង​ផ្ទេរ​ខ្សែការពារ​ឆ្វេង Marcos Alonso របស់​ក្លឹប​តោខៀវ Chelsea ផង​ដែរ។ ដូច្នេះ Jordi Alba ប្រហែល​មិន​ស្ថិត​នៅ​ក្នុង​គម្រោង​ប្រើប្រាស់​បន្ត​ទៀត​ឡើយ ហើយ​ក្លឹប​ព្យាយាម​លក់​គាត់​ចេញ​ឲ្យ​បាន​មុន​កុងត្រា​របស់​គាត់​ត្រូវ​ផុត​កំណត់ ប្រសិន​បើ​មាន​ការ​ដេញ​ថ្លៃ​ដ៏​សម​រម្យ​មួយ។

កីឡាករ​សញ្ជាតិ​អេស្ប៉ាញ​រូបនេះ​បាន​លេង​ប្រកួត​សរុប​ជាង 400 ប្រកួត​សម្រាប់​ក្លឹប Barcelona គិត​ចាប់​តាំង​ពី​ការ​ផ្ទេរ​កាល​ពី​ឆ្នាំ 2012 ដោយ​បាន​ឈ្នះពាន​រង្វាន់ Copas del Rey 5 ដង ពាន​រង្វាន់លីគ 5 ដង និង UEFA Champions League ចំនួន 1។

ប្រភព: Marca

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២