បាល់ទាត់អន្តរជាតិ
Erik ten Hag ចាត់ទុកថា ការប៉ះ Arsenal នៅថ្ងៃស្អែកនេះ គឺជាការសាកល្បងដ៏ល្អជាមួយក្រុមខ្លាំង
គ្រូបង្វឹកក្លឹបបិសាចក្រហម Manchester United លោក Erik ten Hag បានសរសើរពីភាពរីកច្រើនលូតលាស់របស់ក្រុមកាំភ្លើងធំ Arsenal ដែលដឹកនាំដោយលោក Mikel Arteta មុនពេលប៉ះគ្នាក្នុងការប្រកួតក្របខ័ណ្ឌ Premier League នៅថ្ងៃស្អែកនេះ។
ក្រុមកាំភ្លើងធំ Arsenal មិនស្គាល់រសជាតិបាត់បង់ 3 ពិន្ទុឡើយ ក្នុងការប្រកួត Premier League រដូវកាលនេះ ដោយបានយកឈ្នះ Crystal Palace, Leicester City, Bournemouth, Fulham និងចុងក្រោយគឺ Aston Villa។
ជាមួយគ្នានេះដែរ Arsenal ក៏បាននាំយកកីឡាករចំណូលថ្មីល្អៗនៅរដូវក្ដៅនេះផងដែរដែលមានដូចជា Gabriel Jesus, Oleksandr Zinchenko និង Fabio Vieira។
Ten Hag ចាត់ទុក Arsenal ជាគូប្រជែងដ៏ស្វិតស្វាញ ហើយនិយាយថា ការប៉ះទង្គិចគ្នានៅថ្ងៃអាទិត្យនេះ នឹងក្លាយជាការសាកល្បងដ៏ល្អសម្រាប់ក្រុមបិសាចក្រហម ដែលកំពុងលេចធ្លោរ។ ដូចគ្នានេះដែរ ប្រសិនបើក្លឹបបិសាចក្រហម Manchester United អាចយកឈ្នះក្លឹបកាំភ្លើងធំ Arsenal នោះមានន័យថា ពួកគេបានបញ្ឈប់កំណត់ត្រាឈ្នះរហូតរបស់ Arsenal ហើយ។
បីប្រកួតចុងក្រោយរបស់ក្លឹបបិសាចក្រហម Manchester United ក៏ទទួលបាននូវលទ្ធផលដ៏ល្អផងដែរ ដោយបានយកឈ្នះ Liverpool, Southampton និង Leicester City។ បច្ចុប្បន្នពួកគេស្ថិតនៅលេខរៀងទី 5 ក្នុងក្របខ័ណ្ឌ Premier League ខណៈ Arsenal កំពុងគ្រប់គ្រងតំណែងលេខរៀងទីមួយដដែល។
ប្រភព: Dailypost NG
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
