បាល់ទាត់អន្តរជាតិ
ឪពុករបស់ Haaland ប្រាប់មូលហេតុដែលកូនប្រុសរបស់គាត់មិនចូលរួមជាមួយក្លឹបអធិរាជស Real Madrid
ខ្សែប្រយុទ្ធ Erling Haaland បានសម្រេចចិត្តមិនចូលរួមជាមួយក្លឹប Real Madrid នៅរដូវក្តៅនេះឡើយ ព្រោះវាមិនល្អសម្រាប់គាត់ដូច Manchester City ឡើយ ហើយកត្តាចម្បងដោយសារតែវត្តមានរបស់ Karim Benzema និងការមកដល់នាពេលអនាគតរបស់ Kylian Mbappe ដែលនេះជាការលើកឡើងពីឪពុកបង្កើតរបស់ Haaland។
Manchester City បានចំណាយពេលនៅរដូវក្តៅឆ្នាំ 2021 ដោយមិនជោគជ័យក្នុងការព្យាយាមបញ្ចុះបញ្ចូលទិញយក Harry Kane និងបានស៊ូទ្រាំលេងពេញមួយរដូវកាលឆ្នាំ 2021/22 ដោយគ្មានខ្សែប្រយុទ្ធកណ្តាល។
បន្ទាប់មកក្លឹបម្ចាស់ជើងឯក Premier League បាននាំយកខ្សែប្រយុទ្ធដ៏មានទេពកោសល្យម្នាក់នៅដើមរដូវក្តៅឆ្នាំ 2022 នេះ គឺជាម៉ាស៊ីនរកគ្រាប់បាល់ Erling Haaland។ មុនចូលរួមជាផ្លូវការណ៍ជាមួយក្លឹប Manchester City កីឡាករសញ្ជាតិន័រវេសរូបនេះក៏ជាគោលដៅរបស់ Barcelona ផងដែរ ប៉ុន្តែពួកគេមានបញ្ហាផ្នែកហិរញ្ញវត្ថុ ហើយក៏សម្រេចចិត្តផ្ទេរ Robert Lewandowski ជំនួសវិញ។
ជាមួយគ្នានេះដែរ ក្លឹបអធិរាជស Real Madrid ក៏បានព្យាយាមផ្ទេរ Haaland ផងដែរ ប៉ុន្តែគាត់បានជ្រើសរើសយក Manchester City ខណៈដែលក្លឹបអង់គ្លេសមួយនេះ គឺជាក្លឹបដែលខ្លួនធ្លាប់គាំទ្រតាំងពីក្មេង ហើយឪពុករបស់គាត់ Alf-Inge Haaland ក៏ធ្លាប់លេងក្លឹប Manchester City ផងដែរ នៅរវាងឆ្នាំ 2000 និង 2003។
យ៉ាងណាមិញលោក Alf-Inge បានឲ្យដឹងថា ក្លឹប Real Madrid មិនត្រូវនឹងកូនប្រុសរបស់គាត់ឡើយ ណាមួយក្លឹប Manchester City កំពុងត្រូវការខ្សែប្រយុទ្ធកណ្ដាល នោះហើយវាគឺជាជម្រើសដ៏ល្អឥតខ្ចោះ។ លើសពីនេះទៅទៀត Benzema នៅតែមានទម្រង់លេងដ៏ល្អជាមួយ Real Madrid។ ក្រោយមកទៀត តើអ្នកណាទៅដឹងថា ពួកគេនឹងអាចចុះហត្ថលេខាលើ Mbappe រឺអត់?…។
ប្រភព: 90 Min
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
Galeno សម្រេចចិត្តចាកចេញទៅលេងនៅទឹកដីអារ៉ាប៊ីសាអូឌីត ក្នុងវ័យ 27 ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
