បាល់ទាត់អន្តរជាតិ

Cristiano Ronaldo រឺ Lionel Messi? នេះជាចម្លើយដែល Antony បានឆ្លើយ!!!

Published

9 months ago

September 5, 2022

Lee Lee

Antony គឺជាកីឡាករចំណូលថ្មីរបស់ក្លឹបបិសាចក្រហម Manchester United ដែលផ្ទេរពីក្លឹប AFC Ajax ក្នុងតម្លៃបំបែកកំណត់ត្រាផ្ទេរចេញពីលីគកំពូលហូឡង់។ ទាំងអស់គ្នាប្រហែលជាចង់ដឹងហើយថា កីឡាកររូបនេះនឹងជ្រើសរើសយកអ្នកណារវាង Cristiano Ronaldo និង Lionel Messi?

ពិតណាស់ Antony បានផ្តល់ចម្លើយនៃចំណូលចិត្តរបស់គាត់យ៉ាងច្បាស់ នៅពេលត្រូវបានគេសួរថា តើគាត់ពេញចិត្តម្នាក់ណារវាងតារាឆ្នើមសញ្ជាតិព័រទុយហ្គាល់ Cristiano Ronaldo និងតារាឆ្នើមសញ្ជាតិអាហ្សង់ទីន Lionel Messi។

យោងតាមសារព័ត៌មាន Manchester Evening News ថ្មីៗនេះ បានបង្ហាញវីដេអូមួយដែល Antony ត្រូវបានគេស្នើសុំឲ្យជ្រើសរើសរវាងម្ចាស់ពានរង្វាន់ Ballon d’Or 5 សម័យកាល Cristiano Ronaldo និងម្ចាស់ពានរង្វាន់ Ballon d’Or 7 សម័យ Lionel Messi។ កីឡាករវ័យ 22 ឆ្នាំមិនស្ទាក់ស្ទើរឡើយ ក្នុងការជ្រើសរើសរវាងអ្នកទាំងពីរ ដោយគាត់បានឆ្លើយតបថា “Messi”។

យ៉ាងណាមិញបច្ចុប្បន្ន Antony គឺជាមិត្តរួមក្រុមជាមួយនឹងតារាឆ្នើម Cristiano Ronaldo និងត្រូវបានគេមើលឃើញថា ខ្សែប្រយុទ្ធសញ្ជាតិប្រេស៊ីលរូបនេះនឹងក្លាយជាតារារះថ្មីសម្រាប់ក្លឹបបិសាចក្រហម បន្ទាប់ពីមានទម្រង់លេងលេចធ្លោរយ៉ាងខ្លាំង កាលពីប្រកួតជាមួយនឹងក្លឹបកាំភ្លើងធំ Arsenal ម្សិលមិញនេះ។