Connect with us

បាល់ទាត់អន្តរជាតិ

ខ្លះៗ​ពី​ជំនួប​បើកឆាក UCL ដ៏​កក្រើក​រវាង PSG និង Juventus នៅ​ម៉ោង 2 រំលង​អាធ្រាត​នេះ

Published

on

នៅ​ម៉ោង 2 រំលង​អាធ្រាត​នេះ (ម៉ោង​នៅ​កម្ពុជា) យើង​នឹង​បាន​ទស្សនា​នូវ​ការ​ប្រកួត​ក្លឹប​កំពូលៗ​ទាំង​ពីរ​រវាង Paris Saint-Germain និង​ក្លឹប​សេះបង្កង់ Juventus ខណៈ​ដែល​ក្លឹប​អ្នក​មាន PSG ជា​ក្លឹប​កំពូល​មក​ពី​បារាំង និង Juventus មក​ពី​អ៊ីតាលី។

ការ​ប្រកួត​នេះ​ដែរ គឺ​ជា​ការ​ប្រកួត​បើក​ឆាត​ក្នុង​វគ្គ​ចែកពូល​នៃ​ពាន​រង្វាន់ UEFA Champions League រដូវកាល​ថ្មី 2022/2023។ ការ​ប្រកួត​នឹង​ធ្វើ​ឡើង​នៅ​កីឡដ្ឋាន Parc des Princes ដោយ​ក្លឹប PSG ធ្វើ​ជា​ម្ចាស់​ផ្ទះ​នៅ​ប្រកួត​ជើង​ទីមួយ​នេះ។

យ៉ាង​ណា​មិញ Paris Saint-Germain ក៏​បាន​បង្ហាញ​បញ្ជី​ឈ្មោះ​កីឡាករ​របស់​ខ្លួន​រួច​ហើយ​ដែរ ដោយ​យើង​ឃើញ​ថា មិន​មាន​កីឡាករ​សំខាន់​ណា​ម្នាក់ អវត្តមាន​ឡើយ អាច​និយាយ​បាន​ថា សម្រាប់​ក្លឹប​យក្ស​បារាំង​គឺ​ពេញ​សាច់​តែ​ម្ដង។

ដោយ​ឡែក​សម្រាប់​ក្លឹប​សេះ​បង្កង់ Juventus នឹង​អវត្តមាន​​កីឡាករ​មួយ​ចំនួន​ដូច​ជា Federico Chiesa, Kaio Jorge, Paul Pogba និង​អ្នក​ចាំទី Wojciech Szczesny ដោយ​សារ​បញ្ហា​របួស។ ជាមួយ​គ្នា​នោះ​ដែរ សម្រាប់​កីឡាករ​ចំណូល​ថ្មី Angel Di Maria និង Leandro Paredes នឹង​បង្ហាញ​វត្តមាន​ទល់​នឹង​ក្រុម​ចាស់ PSG របស់​ខ្លួន​ផង​ដែរ។

ដោយ៖ X-Sports

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២