អ្នកគាំទ្រ​បិសាចក្រហម​អំពាវនាវ​ឲ្យ​មាន​ការ​ពិន័យ​ចំពោះ Gabriel Jesus បន្ទាប់​ពី​លេច​ធ្លាយ​វីដេអូ​ទាត់​ទៅ​លើ Martinez

អ្នក​គាំទ្រ​របស់​ក្រុម​បិសាចក្រហម Manchester United កំពុង​អំពាវ​នាវ​ឲ្យ FA មាន​ចំណាត់​ការ​ណា​មួយ​ចំពោះ Gabriel Jesus បន្ទាប់​ពី​មាន​វីដេអូ​មួយ​ត្រូវ​បាន​គេ​រក​ឃើញ​ពី​ការ​ទាត់របស់ Jesus មក​លើ​ខ្សែការពារ Lisandro Martinez អំឡុង​ពេល​ប្រកួត​រវាង Arsenal ជាមួយ​បិសាច​ក្រហម​កាល​ពី​ថ្ងៃអាទិត្យ​កន្លងទៅ។

យ៉ាង​ណា​មិញ ក្លឹប​កាំភ្លើងធំ Arsenal បាន​បញ្ចប់​កំណត់​ត្រា​មិន​ដែល​ចាញ់​របស់​ខ្លួន​កាល​ពី​ថ្ងៃអាទិត្យ ដោយ​បរាជ័យ​ក្នុង​លទ្ធផល 3 ទល់​នឹង 1 ទៅ​លើក្រុម​របស់​លោក Erik ten Hag នៅ​ទឹកដី Old Trafford។

ជាមួយ​គ្នា​នេះ​ដែរ Arsenal មាន​ការ​ខឹង​សម្បារ​យ៉ាង​ខ្លាំង​ដែល​គ្រាប់​បាល់​របស់ Gabriel Martinelli ត្រូវបាន​អាជ្ញាកណ្ដាល​លុប​ចោល បន្ទាប់​ពី​មាន​ការ​ត្រួត​ពិនិត្យ VAR បាន​បង្ហាញ​ថា Martin Odegaard បាន​បង្ក​កំហុស​ទៅ​លើ Christian Eriksen មុន​នឹង​ទទួល​បាន​បាល់ ហើយ​បញ្ចូន​ទៅ​ឲ្យ​អ្នក​ស៊ុត​បញ្ចូលទី។

មិន​តែ​ប៉ុណ្ណោះ​លោក Mikel Arteta ដែល​ជា​គ្រូ​បង្វឹក​របស់​ក្លឹប​កាំភ្លើងធំ ក៏​មាន​ការ​ខឹង​សម្បារ​យ៉ាង​ខ្លាំង​ផង​ដែរ នៅ​ពេល​ការ​ប្រកួត​បាន​បញ្ចប់ ដោយ​គាត់​បាន​អំពាវនាវ​ឲ្យ​អាជ្ញា​កណ្ដាល​មាន​ភាព​ស៊ី​សង្វាក់​គ្នា​បន្ថែម​ទៀត​ជា​មួយ​នឹង​មន្ត្រី VAR និង​ជា​ពិសេស​ទៅ​ការ​សម្រេច​ចិត្ត​ពិន័យ​អ្វី​មួយ។

ផ្ទុយ​ពី​នោះ កាល​ពី​ពេល​ថ្មីៗ​នេះ អ្នកគាំទ្រ​របស់​ក្លឹប​បិសាចក្រហម Manchester United បាន​រក​ឃើញ​វីដេអូ​មួយ ដោយ​គេ​បាន​ឃើញ Lisandro Martinez ដើរ​ទៅ​ប៉ះនឹង Gabriel Jesus ហើយ​ខណៈ​ពេល​នោះ Jesus បាន​ងើប​ឡើង នឹង​យក​ជើង​របស់​ខ្លួន ទៅ​ទាត់​​ជើង​របស់ Martinez។

So this is the knock that resulted in Lisandro Martinez being subbed off for Harry Maguire and almost injured him.

The kick from Gabriel Jesus.

Lisandro Martinez is fine now. #MUFC 🔴 pic.twitter.com/K87yNHHC5Z

— DEATHEATER (@aadhil_x) September 5, 2022

ប្រភព: Metro UK