បាល់ទាត់អន្តរជាតិ
ធ្លាក់កូដខ្លាំង Liverpool ត្រូវ Napoli លុតក្នុងលទ្ធផល 4-1 (មានវីដេអូ)

នៅក្នុងការប្រកួតបើកឆាតរបស់ហង្សក្រហម Liverpool ដែលជាយុទ្ធនាការនៃការប្រកួតពានរង្វាន់ UEFA Champions League កាលពីរំលងអាធ្រាតយប់មិញនេះ ត្រូវបានចាញ់ក្រុមម្ចាស់ផ្ទះ Napoli ជាមួយនឹងលទ្ធផល 4 ទល់នឹង 1។
ក្លឹបហង្សក្រហម Liverpool បានរបូតគ្រាប់បាល់ 4-0 ក្នុងរយៈពេលត្រឹមតែ 47 នាទីប៉ុណ្ណោះ ដែលនេះគឺជាលទ្ធផលដ៏អាម៉ាស់មួយ ខណៈដែលពួកគេធ្លាប់ជាម្ចាស់ជើងឯក UEFA Champions League ចំនួន 6 សម័យកាល។
ខ្សែបម្រើប្រយុទ្ធ Piotr Zielinski គឺជាតួអង្គដ៏សំខាន់របស់ Napoli ដោយរកបានពីរគ្រាប់ម្នាក់ឯង ក្នុងនោះមានបាល់ប៉េណាល់ទីមួយគ្រាប់។ Piotr Zielinski ថែមទាំងជាអ្នកបញ្ជូនបាល់ឲ្យ Andre-Frank Zambo Aguissa ស៊ុតបញ្ចូលទីនៅនាទីទី 31 ទៀតផង។
ជាមួយគ្នានោះដែរកីឡាករ Giovanni Simeone ដែលជាកូនប្រុសរបស់លោក Diego Simeone ក៏ជាម្ចាស់គ្រាប់បាល់ទីបីនៅនាទីទី 44 ខណៈដែលទម្រង់លេងរបស់ Napoli ពិតជាសម្រុកខ្លាំងទៅលើហង្សក្រហម។
មួយគ្រាប់លួងចិត្តអ្នកគាំទ្រពីហង្សក្រហម Liverpool គឺជាការស៊ុតបញ្ចូលទីពី Luis Diaz នៅ នាទីទី 49។ យ៉ាងណាយើងសង្កេតឃើញថា ទម្រង់លេងរបស់ក្លឹបហង្សក្រហមរដូវកាលនេះ ហាក់ដូចជាធ្លាក់ចុះខ្លាំង បន្ទាប់ពីបាត់បង់ខ្សែប្រយុទ្ធ Sadio Mane និងមានកីឡាករសំខាន់ៗមួយចំនួនរងរបួស។ បច្ចុប្បន្នពួកគេស្ថិតនៅចំណាត់ថ្នាក់លេង 7 នៃតារាង Premier League ដោយមានត្រឹមតែ 9 ពិន្ទុប៉ុណ្ណោះនៅក្នុងដៃ។
ទស្សនាវីដេអូហាយឡាយការប្រកួតខាងក្រោម៖
ប្រភព: 90 Min
-
បាល់ទាត់អន្តរជាតិ1 day ago
Mario Balotelli អះអាងថា កីឡាកររូបនេះមានបច្ចេកទេសញាក់បាល់ល្អជាង Neymar
-
បាល់ទាត់អន្តរជាតិ23 hours ago
Xavi ប្រាប់ឈ្មោះខ្សែប្រយុទ្ធ 3 រូប ដែលគាត់ពិបាកទប់ទល់បំផុត ក្នុងនាមជាគ្រូបង្វឹកម្នាក់របស់ Barcelona
-
បាល់ទាត់អន្តរជាតិ11 hours ago
អស់ល្អនឹងគ្នាបាត់! Boateng ថា គាត់និយាយកុហកដែលថា Messi ជាកីឡាករល្អបំផុត ព្រោះគ្រាន់តែចង់លេងនៅ Barcelona