Connect with us

បាល់ទាត់អន្តរជាតិ

Jurgen Klopp បង្ហើប​ថា គាត់​មិន​បារម្ភ​ខ្លាច​ត្រូវ​បាន​ក្លឹប​បណ្ដេញ​ចេញ​ពី​តំណែង​ឡើយ

Published

on

លោក Jurgen Klopp បាន​បញ្ជាក់​ថា គាត់​មិន​ព្រួយ​បារម្ភ​អំពី​សុវត្ថិភាព​ការងារ​របស់​គាត់​ទេ បើ​ទោះ​បី​ជា​រដូវកាល​នេះ​ក្លឹប​ហង្សក្រហម Liverpool ហាក់​ដូច​ជា​ស្ថិត​ក្នុង​ស្ថានភាព​យ៉ាប់យ៉ឺន​ខ្លាំង​ក៏ដោយ។

ជា​ការ​ពិត​ណាស់ ក្លឹប​ហង្សក្រហម Liverpool បាន​ឈ្នះ​តែ​ពីរ​ប្រកួត​ប៉ុណ្ណោះ ក្នុង​ចំណោម​ការ​ប្រកួត 6 លើក​ដំបូង​របស់​ពួកគេ​ក្នុង​យុទ្ធនាការ​រដូវកាល​នេះ​នៅ​ក្របខណ្ឌ​កំពូល​អង់គ្លេស Premier League ហើយ​កាន់​តែ​ធ្ងន់ធ្ងរ​ជាង​នេះ​ពួក​គេ​បាន​ចាញ់ 4-1 កាល​ពី​ម្សិលមិញ​នេះ​ជា​មួយ Napoli ជាការ​ប្រកួត​បើក​ឆាក​ក្របខ័ណ្ឌ UEFA Champions League។

ជា​មួយ​នឹង​រឿងរ៉ាវ​ទាំង​នេះ ធ្វើ​មជ្ឈដ្ឋាន​បាល់​ទាត់​ជា​ច្រើន​មើល​ឃើញ​ថា កៅអី​របស់​លោក Jurgen Klopp កំពុង​ឡើង​កម្ដៅ​ហើយ ខណៈ​ដែល​ក្លឹប​តោខៀវ Chelsea ទើប​តែ​បាន​ចែក​ផ្លូវគ្នា​ជាមួយ​លោក Thomas Tuchel បន្ទាប់​ពី​ដឹកនាំក្រុម​មិន​សូវ​បាន​ល្អ​នៅ​ប៉ុន្មាន​ប្រកួត​ចុងក្រោយ​នេះ។

ប៉ុន្តែ​យ៉ាង​ណា​ក្ដី​លោក Jurgen Klopp បាន​បង្ហាញ​ថា លោក​មិន​​បារម្ភ​រឿង​ក្លឹប បណ្ដេញ​គាត់​ចេញ​ដូច​គ្នា​នោះ​ទេ។ នៅ​ពេល​ដែល​ត្រូវ​បាន​គេ​សួរ​ថា តើ​គាត់​ព្រួយ​បារម្ភ​អំពី​ការ​បណ្ដេញ​ចេញ​ពី​តំណែង​ទេ? ពេល​នោះ Jurgen Klopp បាន​ឆ្លើយ​តប​ថា៖ “មិន​អាច​ទេ!… ម្ចាស់​ក្លឹប​របស់​យើង​មាន​ភាព​ស្ងប់ស្ងាត់​ណាស់ ហើយ​គាត់​រំពឹង​ថា ខ្ញុំ​នឹង​រៀបចំ​ស្ថានភាព​ឲ្យ​ប្រសើរ​ឡើង​វិញ ហើយ​ខ្ញុំ​គិត​ថា​មិន​មាន​រឿង​បែប​នេះ​កើត​ឡើង​ឡើយ”។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២