បាល់ទាត់អន្តរជាតិ
ប្រធាន La Liga រិះគន់ Mbappe ដែលសម្រេចចិត្តនៅ PSG ជាក្លឹបឈ្នះពានដោយមិនមានការប្រកួតប្រជែង
ប្រធាន La Liga លោក Javier Tebas បានធ្វើការលើកឡើងជាថ្មីម្ដងទៀតថា Kylian Mbappe គួរតែចូលរួមជាមួយ Real Madrid នៅរដូវក្តៅនេះ ដែលផ្ទុយពីការចុះហត្ថលេខាបន្តកុងត្រាថ្មីជាមួយក្លឹបយក្សបារាំង Paris Saint-Germain។
យ៉ាងណាមិញក្លឹបអធិរាជស Real Madrid បានចាប់អារម្មណ៍លើ Mbappe ជាយូរមកហើយ ហើយថែមទាំងបានដេញថ្លៃខ្សែប្រយុទ្ធរូបនេះរហូតដល់ 9 ដង កាលពីរដូវក្តៅឆ្នាំមុន ខណៈដែលគាត់ស្ថិតនៅឆ្នាំចុងក្រោយនៃកុងត្រារបស់ខ្លួនជាមួយ PSG។ ការដេញថ្លៃទាំងអស់ត្រូវបានបដិសេធពី PSG ប៉ុន្តែខ្សែប្រយុទ្ធ Kylian Mbappe ត្រូវបានគេរំពឹងថា នឹងសម្រេចចិត្តចាកចេញដើម្បីចូលរួមជាមួយ Real Madrid នៅឆ្នាំបន្ទាប់ ពេលកុងត្រារបស់គាត់ផុតកំណត់។
ទោះបីជាយ៉ាងណាក៏ដោយ គ្រប់យ៉ាងមិនដូចការរំពឹងទុកឡើយដោយ Kylian Mbappe បានធ្វើឲ្យពិភពបាល់ទាត់ភ្ញាក់ផ្អើលជាខ្លាំង នៅពេលដែលគាត់បានចុះហត្ថលេខាលើកុងត្រាថ្មីរយៈពេល 3 ឆ្នាំបន្ថែមទៀតនៅ Parc des Princes។
ដោយឡែកលោក Javier Tebas បានរិះគន់ការសម្រេចចិត្តបែបនេះ និងលើកឡើងថា PSG បានប្រើមធ្យោបាយខុសគោលការណ៍ហិរញ្ញវត្ថុរបស់ពួកគេ ដើម្បីចងកីឡាករវ័យ 23 ឆ្នាំរូបនេះមិនឲ្យចាកចេញ និងផ្ដល់កុងត្រាថ្មីដែលមានប្រាក់ពលកម្មខ្ពស់បំផុតមួយ។
ថ្លែងនៅក្នុងសន្និសីទ La Liga លោក Javier Tebas បាននិយាយថា៖ “ប្រសិនបើយើងក្រឡេកទៅមើលក្លឹបដែលពួកគេកំពុងរួមរស់ជាមួយ យើងឃើញថាទាំងនេះគឺជាក្លឹបដែលកំពុងតែអាងទឹកលុយ។ ជាការពិតណាស់ យើងចង់ឲ្យពួកគេមក ប៉ុន្តែគេមិនមកទីនេះនោះទេកាលពីឆ្នាំមុន។ Kylian Mbappe បន្តនៅជាមួយក្លឹបម្ចាស់ជើងឯក ដែលមិនមានការប្រកួតប្រជែង”។
ប្រភព: 90 Min
Roberto De Zerbi ស្ថិតក្នុងគោលដៅនៃការចង់បានរបស់ Real Madrid
Victor Osimhen ត្រៀមចាត់វិធានការផ្លូវច្បាប់ ប្ដឹងក្លឹបរបស់ខ្លួន ដែលបង្ហោះវីដេអូឌឺដងគាត់នៅលើ TikTok
បិសាចក្រហម ចាប់អារម្មណ៍ចង់ចុះហត្ថលេខាផ្ទេរ Serge Gnabry
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
Robert Lewandowski ប្រាប់ថា មិនមាននរណាម្នាក់សមនឹងឈ្នះ Ballon d’Or ជាងកីឡាកររូបនេះទេ
-
បាល់ទាត់អន្តរជាតិ2 days agoCristiano Ronaldo៖ ខ្ញុំដឹងថា ហេតុអ្វីបានជា Messi ធ្វើបែបនេះ ប៉ុន្តែខ្ញុំនឹងមិនប្រាប់អ្នកទេ!…
-
បាល់ទាត់អន្តរជាតិ2 days agoReal Madrid ដាក់គោលដៅចង់បានគ្រូបង្វឹករូបនេះ ប្រសិនបើ Carlo Ancelotti ចាកចេញនៅឆ្នាំក្រោយ
-
បាល់ទាត់អន្តរជាតិ2 days agoអតីតកីឡាករឆ្នើម Darren Bent ប្រាប់ឈ្មោះអ្នកដែលសមនឹងឈ្នះ Ballon d’Or ឆ្នាំនេះ រវាង Haaland និង Messi
