Lionel Messi រឺ Cristiano Ronaldo? នេះ​ជា​ចម្លើយ​របស់ Kingsley Coman

ខ្សែ​ប្រយុទ្ធ​ស្លាប​របស់​ក្លឹប Bayern Munich និង​ជា​កីឡាករ​ជម្រើស​ជាតិ​បារាំង Kingsley Coman បាន​បង្ហាញ​អំពី​ការ​ជ្រើសរើស​នូវ​ជម្រើស​ដែល​គេ​ជជែក​វែកញែក​រវាង Lionel Messi និង Cristiano Ronaldo ដោយ​គាត់​បាន​ជ្រើសរើស​យក Messi ជា​ខ្សែ​ប្រយុទ្ធ​ល្អ​ជាង Cristiano Ronaldo។

យ៉ាង​ណា​មិញ Lionel Messi និង Cristiano Ronaldo នៅ​តែ​ស្ថិត​ក្នុង​ការ​ជជែក​ដេញ​ដោយ​គ្នា អស់​រយៈពេល​ពីរ​ទសវត្សរ៍​មក​ហើយ ដែល​មិន​មែន​កើត​ឡើង​តែ​អ្នក​គាំទ្រ​នោះ​ទេ សូម្បី​តែ​កីឡាករ​អាជីព​នៅ​តំបន់​អឺរ៉ុប ក៏​នៅ​តែ​ស្ថិត​ក្នុង​ការ​ជ្រើសរើស​ដ៏​ពិបាក​នេះ​ដែរ។

មិន​ដូច​កីឡាករ​មួយ​ចំនួន​ដែល​ធ្លាប់​បាន​លេង​ជាមួយ Lionel Messi រឺ Cristiano Ronaldo ប៉ុន្តែ Kingsley Coman មិន​ធ្លាប់​ជា​មិត្ត​រួម​ក្រុម​ជា​មួយ​កីឡាករ​ណា​ម្នាក់​ក្នុង​ចំណោម​ពួក​គេ​ទាំង​ពីរ​ឡើយ។ Kingsley Coman ធ្លាប់​ជា​អតីត​កីឡាករ​របស់​ក្លឹប Juventus តែ​ពេល​ដែល Cristiano Ronaldo ទៅ​លេង​ទីនោះ Coman កំពុង​រួម​រស់​ជា​មួយ Bayern Munich។

នៅ​ពេល​ត្រូវ​បាន​សួរ​ដោយ ESPN ដោយ​តម្រូវ​ឲ្យ​ជ្រើសរើស​រវាង Lionel Messi និង Cristiano Ronaldo ខ្សែ​ប្រយុទ្ធ Kingsley Coman ឆ្លើយ​ដោយ​មិន​ស្ទាក់​ស្ទើរ​ឡើយ ដោយ​និយាយថា៖ “Messi”។

ទស្សនា​វីដេអូ​របស់ Kingsley Coman ខាង​ក្រោម​នេះ។

ប្រភព: Sportskeeda