បាល់ទាត់អន្តរជាតិ
ផ្លូវការណ៍៖ Pablo Gavi បន្តកុងត្រាថ្មីរយៈពេល 4 ឆ្នាំជាមួយក្លឹប Barcelona
កឹ្លបអ្នកមានបុណ្យ Barcelona បានបញ្ជាក់ថា ពួកគេបានឈានដល់កិច្ចព្រមព្រៀងជាមួយខ្សែបម្រើវ័យក្មេង Gavi ហើយសម្រាប់ការបន្តកុងត្រាថ្មីដែលនឹងមានសុពលភាពរហូតដល់ឆ្នាំ 2026។
កីឡាករវ័យ 18 ឆ្នាំរូបនេះ បានក្លាយជាខ្សែបម្រើដ៏សំខាន់មិនអាចខ្វះបានសម្រាប់ក្លឹបអ្នកមានបុណ្យ Barcelona ហើយតែងតែបង្ហាញខ្លួនក្នុងជម្រើស 11 នាក់ដំបូងជានិច្ច ក្រោមការដឹកនាំរបស់គ្រូបង្វឹកលោក Xavi Hernandez។ Gavi ចាប់ផ្ដើមលេចធ្លោរខ្លាំងនៅជំនាន់ជាមួយនឹង Pedri ខណៈដែលគេទាំងពីរគឺជាដៃគូលេងដ៏ល្អនៅក្លឹប និងនៅក្រុមជម្រើសជាតិអេស្ប៉ាញ។
សេចក្តីថ្លែងការណ៍របស់ Barcelona បានសរសេរថា៖ “FC Barcelona និងកីឡាករ Pablo Gavi បានឈានដល់កិច្ចព្រមព្រៀងមួយ ដើម្បីបន្តកុងត្រារបស់គាត់រហូតដល់ថ្ងៃទី 30 ខែមិថុនា ឆ្នាំ 2026។ លក្ខខណ្ឌទិញផ្ដាច់កុងត្រា ត្រូវបានកំណត់តម្លៃ 1 ពាន់លានអឺរ៉ូ។
Gavi នឹងចុះហត្ថលេខាលើកុងត្រាថ្មីរបស់គាត់ជាផ្លូវការណ៍នៅថ្ងៃព្រហស្បតិ៍សប្ដាហ៍នេះ ដោយមានការរៀបចំកម្មវិធីប្រកាសនៅ Camp Nou ហើយប្រធានក្លឹប Joan Laporta នឹងនិយាយទៅកាន់អ្នកគាំទ្រផងដែរ។
ប្រភព: 90 Min
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
