Dani Alves ប្រាប់​ថា Cristiano Ronaldo ជា​ខ្សែ​ប្រយុទ្ធ​ដែល​គាត់​ពិបាក​បិទ​បំផុត

នៅ​ក្នុង​បទ​សម្ភាសន៍​​មួយ​កាល​ពី​ពេល​ថ្មីៗ​នេះ ខ្សែ​ការពារ​សញ្ជាតិ​ប្រេស៊ីល Dani Alves បាន​ប្រាប់​ឈ្មោះតារា​ឆ្នើម Cristiano Ronaldo ថា​ជា​គូប្រជែង​នៅ​លើ​ទីលាន​ដ៏ស្វិតស្វាញ​បំផុត​ដែល​គាត់​ធ្លាប់​បាន​ជួប​ជាមួយ និង​បាន​សរសើរ​ពី​ភាព​ខ្លាំង​របស់​ខ្សែ​ប្រយុទ្ធ​សញ្ជាតិ​ព័រទុយហ្គាល់​រូប​នេះ​ផង​ដែរ។

យ៉ាង​ណា​មិញ Dani Alves ធ្លាប់​បាន​ឈ្លោះ​ជាមួយ Cristiano Ronaldo និង​ធ្លាប់​តតាំង​គ្នា​នៅ​លើទីលាន​អស់​រយៈពេល​ជាច្រើន​ឆ្នាំ​មក​ហើយ អំឡុង​ពេល​គាត់​លេង​នៅ Barcelona។

ដោយ​ឡែក Dani Alves ធ្លាប់​ជា​ខ្សែការពារ​ដ៏​ល្អ​បំផុត​របស់​ពិភពលោក ដោយ​គាត់​ធ្លាប់​បាន​ឈ្នះពាន La Liga ចំនួន 6 ដង, ពានរង្វាន់ UEFA Champions League ចំនួន 3 ដង និង​មាន​រង្វាន់​ជា​ច្រើន​ទៀតរាប់​មិន​អស់។

ជា​មួយ​នឹង​ការ​ដែល​ក្លាយ​ខ្លួន​ជា​ខ្សែការពារ​ដ៏​អស្ចារ្យ​បំផុត​ម្នាក់​ក្នុង​ប្រវត្តិសាស្ត្រ Dani Alves ធ្លាប់​បាន​ជួប​ជា​មួយ​នឹង​ខ្សែ​ប្រយុទ្ធ​ឆ្នើមៗ​ជា​ច្រើន​នៅ​ក្នុង​ពិភពបាល់ទាត់។ បច្ចុប្បន្ន​កីឡាករ​វ័យ 39 រូប​នេះ​មិន​ទាន់​ចូល​និវត្តន៍​ឡើយ ហើយ​កំពុង​លេង​នៅ​ប្រទេស​ម៉ិកស៊ិក​ជាមួយ​ក្លឹប Pumas UNAM។

ក្នុង​ការ​សម្ភាសន៍​មួយ​ជាមួយ​អ្នក​កាសែត ESPN លោក Hugo Sanchez ខ្សែ​ការពារ Dani Alves ត្រូវ​បាន​គេ​សួរ​ពី​គូ​ប្រជែង​ដែល​គាត់​ពិបាក​ទប់ទល់​បំផុត ហើយ​គាត់​បាន​ជ្រើសរើស Cristiano Ronaldo។ Alves បាន​និយាយ​ថា៖ “Cristiano Ronaldo មិន​អនុញ្ញាត​ឲ្យ​អ្នក​ដក​ដង្ហើម​បាន​មួយវិនាទី​ទេ។ មិនអាក្រក់​ណាស់​ណា​​ឡើយ ប៉ុន្តែ​វា​ពិត​ជា​ពិបាក​ណាស់។ គាត់​គឺ​ជា​ម៉ាស៊ីន​រក​គ្រាប់​បាល់”។

ទន្ទឹម​នឹង​នេះ​ដែរ Dani Alves បាន​និយាយ​បន្ថែម​ដោយ​គោរព​ដល់​ម្ចាស់​ពាន Ballon d’Or ប្រាំ​សម័យ​កាល និង​ធ្លាប់​ជា​កីឡាករ​ឆ្នើម​របស់ Real Madrid ខណៈ​ដែល Alves ជា​មិត្ត​រួមក្រុម​ជាមួយ Lionel Messi ពេល​នៅ Barcelona។

ប្រភព: 90 Min