Connect with us

បាល់ទាត់អន្តរជាតិ

Gabriel Jesus ប្រាប់​ថា ម្នាក់​នេះ​ជា​កីឡាករ​ល្អ​បំផុត​ដែល​គាត់​ធ្លាប់​បាន​ឃើញ

Published

on

ខ្សែប្រយុទ្ធ Gabriel Jesus របស់​ក្លឹប​កាំភ្លើងធំ Arsenal បាន​បញ្ចេញ​នូវ​គំនិត​ផ្ទាល់​ខ្លួន​របស់​គាត់​លើ​ការ​ជជែក​ដេញ​ដោល​ដោយ​ជ្រើស​រើស​កីឡាករ​ល្អ​បំផុត​ក្នុង​ពិភពបាល់ទាត់​រវាង Cristiano Ronaldo និង Lionel Messi។

យ៉ាង​ណា​មិញ Gabriel Jesus បាន​ជ្រើសរើស​យក​ខ្សែ​ប្រយុទ្ធ​សញ្ជាតិ​អាហ្សង់ទីន Lionel Messi ថា​ជា​កីឡាករ​ល្អ​បំផុត ក្នុង​ចំណោម​កីឡាករ​ទាំង​អស់​ដែល​គាត់​​ធ្លាប់​ឃើញ​ពីមុន​មក។

ជា​ការ​ពិត​ណាស់ Cristiano Ronaldo និង Lionel Messi បាន​ក្លាយ​ជា​កីឡាករ​ដែល​ប្រជែង​គ្នា និង​ត្រូវ​បាន​អ្នក​ស្នេហា​វិស័យ​កីឡាករ​បាល់ទាត់​ជំនាន់​ក្រោយ​ចង​ចាំ​មិន​ភ្លេច​ឡើយ។ ពួក​គាត់​ជា​កីឡាករ​ដែល​ឈ្នះពាន Ballon d’Or ច្រើន​ជាង​គេ​បំផុត​នៅក្នុង​ប្រវត្តិសាស្ត្រ​បាល់ទាត់។

ទោះ​ជា​យ៉ាង​ណា Gabriel Jesus បាន​បដិសេធ​ទាំង​ស្រុង​ចំពោះ​ការ​លើក​ឡើង​ដែល​ថា​កីឡាករ​ល្អ​បំផុត​គឺ Cristiano Ronaldo ហើយ​បាន​ជ្រើស​យក Lionel Messi និង​កីឡាករ​រួម​ជាតិ Ronaldo Nazario ជា​កីឡាករ​ល្អ​បំផុត​ក្នុង​ប្រវត្តិសាស្ត្រ​បាល់ទាត់តាម​ការ​យល់​ឃើញ​របស់​គាត់។

Gabriel Jesus បាន​និយាយ​ទៅ​កាន់ Tribuna ថា៖ “ក្នុង​ជីវិត​របស់​ខ្ញុំ ខ្ញុំ​បាន​ឃើញ​កីឡាករ​តិច​តួច​ណាស់​ដែល​ត្រូវ​បាន​គេ​និយាយ​ថា ល្អ​បំផុត​ក្នុង​ប្រវត្តិសាស្ត្រ។ យ៉ាង​ណា​សម្រាប់​ខ្ញុំ Lionel Messi គឺ​ជា​កីឡាករ​ល្អ​បំផុត​ដែល​ខ្ញុំ​ធ្លាប់​បាន​ឃើញ។ ខ្ញុំ​មាន​ការ​បែងចែក​បន្តិច​បន្តួច​រវាង​គាត់ និង Ronaldo Nazario”។

ប្រភព: Sportskeeda

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២