Connect with us

បាល់ទាត់អន្តរជាតិ

Dembele ប្រាប់​ឈ្មោះ​កីឡាករ​មួយ​រូប ដែល​គាត់​ចង់​លេង​ជាមួយ

Published

on

ខ្សែប្រយុទ្ធ​ឆ្នើម Ousmane Dembele របស់​ក្លឹប Barcelona បាន​បង្ហាញ​ពី​បំណង​ប្រាថ្នា​របស់​គាត់​ក្នុង​ការ​លេង​ឲ្យ​បាន​ញឹកញាប់ ជាមួយ​ខ្សែប្រយុទ្ធ​របស់​ក្លឹប Paris-Saint Germain គឺ​កីឡាករ Kylian Mbappe ដែល​ជា​មិត្ត​រួម​សញ្ជាតិ​របស់​ខ្លួន។

យ៉ាង​ណា​មិញ Dembele និង Mbappe ត្រូវ​​បាន​​កោះហៅ​ឲ្យ​ចូល​រួម​ជា​មួយ​ក្រុម​​ជម្រើស​ជាតិ​បារាំង ​ក្នុង​ការ​ប្រកួត​ពាន UEFA Nations League ផង​ដែរ។ ពួក​គេ​ធ្លាប់​មាន​ទំនាក់ទំនង​ល្អ​នៅលើ​ទីលាន​ជាមួយ​​ក្រុម​ជម្រើសជាតិ។

ដោយ​ឡែក ថ្លែង​ទៅ​កាន់ RMC Sport កីឡាករ Dembele បាន​សារភាព​ថា គាត់​មាន​ទំនាក់ទំនង​ល្អជាមួយ Mbappe និង​និយាយ​ថា៖ “ខ្ញុំ​ចង់​ឲ្យ​ពួកយើង​លេង​ជាមួយគ្នា​ជា​ច្រើន​បន្ថែម​ទៀត។ នៅ​លើ​ទីលាន យើង​ចុះសម្រុង​គ្នា​បាន​យ៉ាង​ល្អ​។ ខ្ញុំដឹង​ពី​គុណសម្បត្តិ​របស់​គាត់ គាត់​ស្គាល់​ច្បាស់​ពី​ខ្ញុំ។ យើង​បាន​លេង​ជា​មួយ​គ្នា 4, 5 ប្រកួត​រួច​មក​ហើយ ហើយ​យើង​​ធ្វើ​បាន​យ៉ាង​ល្អ”។

ប្រភព: Dailypost Ng

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២