បាល់ទាត់អន្តរជាតិ
Virgil van Dijk សរសើរ Timber ថា មានទម្រង់លេងល្អជាងគាត់
ខ្សែការពារ Virgil van Dijk បានសរសើរមិត្តរួមក្រុមជម្រើសជាតិហូឡង់របស់ខ្លួនគឺកីឡាករ Jurrien Timber ដោយអះអាងថា កីឡាករវ័យក្មេងរូបនេះកំពុងរីកចម្រើនទៅមុខជាខ្លាំង និងមានទម្រង់លេងល្អជាងគាត់។ Van Dijk បានអះអាងថា នៅពេលដែលគាត់មានអាយុប្រហែល Jurrien Timber គាត់លេងមិនបានល្អបែបនេះឡើយ។
យ៉ាងណាមិញខ្សែការពារវ័យ 21 ឆ្នាំ Jurrien Timber កំពុងបង្ហាញខ្លួនយ៉ាងលេចធ្លោរនៅក្នុងក្លឹប AFC Ajax ហើយក៏ធ្លាប់ធ្វើការជាកូនក្រុមរបស់គ្រូបង្វឹកលោក Erik ten Hag ផងដែរ។ ដូចគ្នានេះដែរកីឡាករវ័យក្មេងរូបនេះ ក៏ធ្លាប់ជាគោលដៅនៃការចង់បានរបស់ក្លឹបបិសាចក្រហម Manchester United ផងដែរ កាលពីរដូវក្តៅកន្លងទៅ ប៉ុន្តែ Ajax មិនចង់លក់គាត់ឡើយ ហើយព្យាយាមបញ្ចុះបញ្ចូលកុំឲ្យគាត់ចាកចេញ។
នៅពេលសួរអំពី Timber ខ្សែការពារ Van Dijk បាននិយាយថា៖ “ពេលខ្ញុំមានអាយុប្រហែលគាត់ ខ្ញុំមិនស្ថិតនៅក្នុងកម្រិតខ្ពស់ដូចគាត់ទេ។ ខ្ញុំគ្មានអ្វីក្រៅពីសរសើរគាត់ឡើយ។ គាត់ជាកីឡាករដ៏អស្ចារ្យ និងជាកីឡាករអាជីពដ៏ពិតប្រាកដ”។
ដោយឡែក Van Dijk និង Timber ទើបនឹងបានលេងជាមួយគ្នាក្នុងការប្រកួត ដោយគ្រូបង្វឹកបានប្រើប្រាស់ទម្រង់លេងជាមួយនឹងខ្សែការពារបីរូប ដែលមានម្នាក់ទៀតគឺ Nathan Ake។ ក្រុមជម្រើសជាតិហូឡង់របស់ពួកគេបានទទួលជម្នះ 2-0 ទៅលើក្រុមម្ចាស់ផ្ទះប៉ូឡូញកាលពីយប់ថ្ងៃព្រហស្បតិ៍ថ្មីៗនេះ។
ប្រភព: 90 Min
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
