Connect with us

បាល់ទាត់អន្តរជាតិ

Malacia បដិសេធ​ជា​មួយ​គ្រូ​ជម្រើសជាតិ Louis van Gaal ដោយ​មិន​ចង់​លេង​ជា​ខ្សែការពារ​កណ្ដាល

Published

on

ខ្សែការពារ Tyrell Malacia បាន​លើក​ឡើង​ថា ទីតាំង​ដ៏​ល្អ​បំផុត​របស់​គាត់ គឺ​នៅ​ខ្សែការពារ​ឆ្វេង ដែល​ការ​លើក​ឡើង​នេះ កើត​ឡើង​បន្ទាប់​ពី​គ្រូ​បង្វឹក​ក្រុម​ជម្រើស​ជាតិ​ហូឡង់ Louis van Gaal បាន​សាក​ល្បង​ដាក់​ខ្សែការពារ​របស់​ក្លឹប​បិសាចក្រហម Manchester United រូប​នេះ ឲ្យ​លេង​នៅ​តំបន់​ការពារ​កណ្តាលអំឡុង​ពេល​ប្រកួត​កាល​ពី​ថ្មីៗ​នេះ។

ដោយ​ឡែក​កីឡាករ​​វ័យ 23 ឆ្នាំ​​រូប​នេះ ត្រូវ​​បាន​​ដាក់ឲ្យ​ចូល​លេង​ចុង​តង់​ទី​មួយ​នៃ​ការ​ប្រកួត ដែល​ក្រុម​ជម្រើស​ជាតិ​ហូឡង់​បាន​ទទួល​​ជ័យ​ជម្នះ 1-0 ទៅ​លើ​បែលហ្សិក​កាល​ពី​ថ្ងៃ​អាទិត្យ​ម្សិល​មិញ​នេះ ដែល​ជា​ការ​ប្រកួត​ក្នុង​ក្របខណ្ឌ UEFA Nations League។

Tyrell Malacia ចូល​មក​ជំនួស​កន្លែង​របស់ Nathan Ake ខណៈ​ដែល​អ្នកគាំទ្រ និង​ខ្លួន​គាត់​ផ្ទាល់​រំពឹង​ថា នឹង​ប្ដូរ​ចូល​លេង​កន្លែង​របស់ Daley Blind ដែល​ជា​តំបន់​ការពារ​ឆ្វេង។ ប៉ុន្តែ​គាត់​បែរ​ជា​ត្រូវ​លេង​ខ្សែការពារ​ខាងក្រោម​ជាមួយ Virgil van Dijk និង Jurrien Timber។ ខណៈ​​ដែល​​ Malacia លេង​ខុស​កន្លែង​របស់​គាត់​នោះ​ដែរ គាត់​នៅ​តែ​បង្ហាញ​ទម្រង់​លេង​ដ៏​ល្អ និង​តាម​បិទខ្សែបម្រើ​របស់​​បែលហ្សិក Kevin De Bruyne យ៉ាង​ជាប់។

ទោះ​ជា​យ៉ាង​ណា​ក៏​ដោយ Malacia ត្រូវ​បាន​គេ​ឃើញ​ថា បាន​ជជែក​គ្នា​យ៉ាង​ក្ដៅ​គគុក​ជា​មួយ Van Gaal នៅ​ក្នុង​អំឡុង​ពេល​ប្ដូរ​ចូល​លេង​ក្នុង​ការ​ប្រកួត​នោះ។ ជាមួយ​គ្នា​នេះ​ដែរ Malacia បាន​និយាយ​ថា គាត់​យល់​ពី​ការ​សម្រេច​ចិត្ត​របស់​គ្រូ​បង្វឹក​របស់​គាត់​ក្នុង​ការ​ដាក់​ឲ្យ​គាត់​លេង​នៅ​ការពារ​កណ្តាល ទោះ​បី​ជា​ជំនាញ​ជា​ខ្សែការពារ​ឆ្វេង​ក៏​ដោយ។

កីឡាករ​ចំណូល​ថ្មី​របស់​ក្លឹប​បិសាចក្រហម Manchester United រូប​នេះ​បាន​និយាយទៅ​កាន់ De Telegraaf ថា៖ “ខ្ញុំ​បាន​​រត់​ឡើង​លើ​ពីរ រឺ​បីដង។ វា​មិន​អាច​ទៅ​រួចទេ ក្នុង​ការ​ចុះ​មក​ទីតាំង​ដើម​វិញ​ឲ្យ​បាន​លឿន។… ខ្ញុំ​​សប្បាយ​ចិត្ត​​ជាមួយ​នឹង​ការ​លេង​នៅ Manchester United ពេល​នេះ។ គ្រូ​បង្វឹក​ជម្រើស​ជាតិ​គិត​ថា ខ្ញុំ​​គួរ​តែ​អាច​លេង​នៅ​កណ្តាល​តំបន់​ការពារ​បាន ប៉ុន្តែខ្ញុំ​មាន​អារម្មណ៍​ល្អ​បំផុត ក្នុង​ការ​លេង​នៅ​ការពារ​ខាងឆ្វេង”។

ប្រភព: Metro

Click to comment

Leave a Reply

Your email address will not be published. Required fields are marked *

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២