Lionel Messi ស៊ុត​គ្រាប់​បាល់​​ហ្វ្រីឃីគ​លើក​ដំបូង​សម្រាប់​ក្លឹប PSG

កាល​ពី​រំលង​អាធ្រាត​យប់​មិញ​នេះ​ក្លឹប​យក្ស​បារាំង Paris Saint-Germain បាន​ធ្វើ​ការ​ប្រកួត​យក​ឈ្នះ​ក្លឹប OGC Nice ក្នុង​លទ្ធផល 2 ទល់​នឹង 1 ដែល​ជា​ការ​ប្រកួត​ក្នុង​ក្របខណ្ឌ Ligue 1។ ដូចគ្នា​នេះ​ដែរ Lione Messi បាន​ស៊ុត​គ្រាប់​បាល់​មួយ​គ្រាប់​បើក​ឆាក​នៅ​ក្នុង​ការ​ប្រកួត ដែល​ជា​គ្រាប់​បាល់​ហ្វ្រីឃីគ​យ៉ាង​ល្អ។

តារា​ឆ្នើម​អាហ្សង់ទីន Lionel Messi ដែល​គ្រប់​គ្នា​បាន​ដឹង​ថា ជា​ស្ដេច​ហ្វ្រីឃីគ​នោះ​បាន​ចាប់​ផ្ដើម​កំណត់​ត្រា​ហ្វ្រីឃីគ​ជា​លើក​ដំបូង​សម្រាប់​ក្លឹប​ថ្មី PSG ដែល​ស៊ុត​ទៅ​លើ​កំពូល​អ្នក​ចាំទី Kasper Schmeichel និង​ជា​អតីត​អ្នក​ចាំទី​របស់​ក្លឹប Leicester City។

យ៉ាង​ណា​មិញ Lionel Messi បាន​ស៊ុត​បញ្ចូលទី​សរុប 5 គ្រាប់ និង Assists 7 ដង ក្នុង​លីគ​សម្រាប់ PSG នៅ​រដូវកាល​នេះ។ គិត​ចាប់​តាំង​ពី​ឆ្នាំ 2000 មក Lionel Messi មាន​គ្រាប់​បាល់​ហ្វ្រីឃីគ​សរុប 51 គ្រាប់ ដែល​ជា​កីឡាករស៊ុត​ហ្វ្រីឃីគ​ច្រើន​ជាង​គេ​បំផុត​លំដាប់​ទី 4 ក្នុង​ប្រវត្តិសាស្ត្រ​បាល់ទាត់ បន្ទាប់​ពី Juninho (74 គ្រាប់), Rogerio Ceni (59 គ្រាប់), Ronaldinho (55 គ្រាប់)។ យ៉ាង​ណា​មិញ​តារា​ឆ្នើម Cristiano Ronaldo ស្ថិត​នៅ​ចំណាត់​ថ្នាក់​លេខ 5 ដែល​មាន​គ្រាប់​បាល់ហ្វ្រីឃីគ​សរុប 47 គ្រាប់។

ទស្សនា​វីដេអូ​ខាង​ក្រោម៖

ប្រភព: Givemesport